ولتاني مره اكتب في القسم دا
طريقتي في عمل الفراخ المشويه كل اللي اكلها شكر فيها وبامانه قالو احلي من الفراخ اللي من بره
واتمني انها تعجبكوم انتو كمان
الله يكرمكو التقييم لاني والله تعبت في الموضوع دا
بس برضو تعبكو راحه ههههه
المقادير
فرخه متوسطه مغسوله بملح ودقيق وخل ولمون وميه
م فلفل اسود &&& م كمون &&& م فلفل احمر حرأ &&& م زعتر &&& م ملح صغيره &&& م بهارات &&& 3 فصوص حبهان ( هيل )
مكعب مرق &&& م او كيس كاتشب &&& ربع طمطمايه
&&& م كبيره صوص الصويا&&&
&&&م صغيره دبس رمان &&&
&&& م صغيره صلصه طماطم &&&
&&&بصله مبشوره حطيت عليها معلقة ملح صغيره عشان تصفي ميتها كلها ونصفي ميتها
&&& طمطمايه صغيره &&&
دي كل المقادير
وهنا خلطهم كلهم بالمضرب
بعد كده مسكت الفرخه وطعنتها عشر طعنات بالسكينه هههههه
خرمتها بالسكينه في كل حته فيها من ورا ومن قدام ومن الوراك وكله كله
عشان تتشرب الخلطه كلها
و البصل اللي بشرته واخدت ميته ضفتها علي الخليط
حيشت بيه الفرخه من جوه ومن تحت جلد الصدر والوراك
وهنا بعد ما خلطتها بالخليط كله من جوه ومن بره
وسبتها ساعه
حسب وقتك وممكن تسيبيها في التلاجه ليله
وهنا والمرحومه في الفرن بتتشوي
ومحدش يقولي فين الشكل النهائي
لان جوزي الله يسامحه لما عرف اني هحطتها علي فتكات عشان يغظني راح واكل الدبوسه بتاعت الفرخه لما لاقتها عماله تتحسبن عليه هههههه
اتمني انها تعجبكو
ادعو لجوزي بصلاح الحال وان ربنا ييسرله في شغله
نزلت موضوع عن تتبيله لفرخه مشويا والناس زعلو مني عشان ماكنتش منزله الشكل النهائي للطبق
ودا الشكل النهائي ليها ويارب تعجبكو عملت فراخ تانيه وصورتهالكوم
انا نزلت الصور في موضوع تاني لاني جيت انزلها في اول الموضوع مانفعش لانه اتعدل قبل كده فاحبيت انزلهولكوم في موضوع جديد عشان زعلو مني ومن جوزي جدا عشانه اكل دبوسه الفرخه قبل ما اصورها عشان يعاندني
يالا كل فتوكه قيمتلي تاخد دبوسه هههههههه
دا مع رز بالبسله
اتمني ان الشكل النهائي يعجبكو زي لتتبيله
ودا الموضوع الاصلي ليها
https://fatakat.univanet.com/#3111724 مواضيع هذا القسم برعاية
سندي سندي 188638_2.gif فتكات غالية قوي Fatakat 188638 الفححيل – الكويت