السلام عليكم ورحمة الله وبركاته
عجة البيض من الوصفات الجميله اللي اتعلمتها من ماما ربنا يبارك لها .. وكانت بتعملها لنا دايما على الفطار او العشا
وصفه مميزه ولذيذه وتعتبر وجبه كامله
لما هتجربوها هتعجبكم باذن الله
نبدا بسم الله
المقادير زي ما في الصوره
3 معالق كبيره دقيق – 3 طماطم مقطعه او عصير أفضل – حزمه صغيره بقدونس – نعناع اخضر (معلقه) – 3 بيضات – 3 معالق بصل مبشور – ملح وكمون
الطريقه
نحمر البصل في معلقتين زيت لحد لما يبقى بني وكل ما اتحمر كل ما كان احسن في الطعم
نضيف له الطماطم ونتركها على النار لحد لما تنشف
نترك التسبيكه تبرد على جنب
ثم نضيفها للبقدونس والنعناع المقطعين
ثم نضيف لهم البيض والكمون والملح والدقيق ونقلب كويس
نحضر طاسه تيفال وندهنها بالزيت كويس قوي .. ثم نصب فيها الخليط
لما تتحمر من تحت
نقلبها على الناحيه التانيه بالطريقه الموضحه في الصوره
او ممكن تتعمل في الفرن .. ادهني صينيه بكميه كبيره من الزيت علشان مش تلزق
وصبي فيها العجه ودخليها فرن عالي لحد لما تتحمر من تحت وبعدين شغلي الشوايه تتحمر من فوق
وده شكلها النهائي وتتقدم مع بطاطس مقليه ومخللات وخضار
اما الطبق الجانبي الخطير
قطعة جبنه قديمه + زيت ذره + طحينه كتير ونقلبهم مع بعض كويس
وممكن نضيف لها شبت
ونزين الطبق بمكعبات الطماطم
اتمنى تجربوها على الفطار ويارب تعجبكم
احبكن في الله مواضيع هذا القسم برعاية
مرسم مرسم 138950_1.gif فتكات ست الكل Fatakat 138950 الاسكندريه – مصر