صباح الخير يا بنات
انا النهارده هعمل موضوع بسيط يعنى
بس ان شاء الله تستفادو منه
الموضوع وما فيه
هو عن طريقه الاحتفاظ باللحمه المفرومه فى الفريزر بطريقه حلوه وصح
طبعا انا كنت الاول عشان اعمل اكله باللحمه المفرومه كنت لازم اشتريها فى نفس اليوم
لانى كنت بخزنها بطريقه غلط
يعنى كنت بشتريها واخد الكيس اللى فيه اللحمه واكوره واحطه فى الفريزر علطول
طيب خلاص جه اليوم بقى اللى احتاجتها فيه
فكنت اطلعها طبعا عشان تفك وابتدى اتبلها واظبطها واشوف هعملها ايه
كنت طبعا بشوف منظر لا يسر عدو ولا حبيب
كانت بتنزل دم بقى ومنظر مش عاطفى ابدااااااااا
وبتقعد ساعه ولا ساعه ونص على ما تفك
كان بيبقى يوم مش ولابد هههههههه
المهم
انا عملت طريقه كويسه
هى انى بشترى اللحمه المفرومه واقوم جايه اطبطب عليها كده بالراحه عشان متنزلش دم ولا اى عصاره منها
لحد ما تتفرد ويبقى سمكها حوالى سم واحد وبعدين اقوم نقلاها فى كيس نضيف جدا
واحطها بقى فى الفريزر بالشكل ده
اهه كمان
وده السمك بتاعها
وده سمكها يا بنات للتوضيح اكتر
حوالى سم واحد بس
وهنا بحطهم كلهم فوق بعض وع الفريزر براحتهم بقى
ولما باجى استعمل منهم بخرج كيس او اتنين حسب احتياجى
وربع ساعه بالظبط وبتكون فكت وزى الفل
من غير ما تنزل نقطه دم واحده والله يا بنات
وكمان انتى ممكن تسرعى بموضوع فكها ده
ازاى بقى ؟
انك كل 5 دقايق تدخلى المطبخ تشيلى حرفها اللى طرى وتحطيه فى طبق
وبعد 5 دقايق كمان تروحى تشيلى الحروف اللى فكت هى كمان
لحد ربع ولا تلت ساعه بالكتير هتلاقيها كلها فكت من غير ما تشوفى دم خالص
وبعدين بقى اعمليها زى ما انتى عايزه
بس كده يا بنات
يا ريت لو عجبكم الموضوع تقيمو
مواضيع هذا القسم برعاية
سنوات الضياع 2 سنوات الضياع 2 729913_1.gif برنسيسة فتكات Fatakat 729913 طنطا – مصر