حبااااااااااااااايب قلبى الفتوكات العسلات النهاردة عازماكو على بانية و رز الريزو والتومية من مطبخى
ويارب تعجبكم
ودى صورة تشويقية تجويعية ليكى يافتوكة انتى وهيه ههههههههههههههههههه
شعر يانااااااااااااااااااااس
ندخل بقى على المفيد عاوزة البانية يطلع روعة وريحته وهو بيتقلى تجنن ونفسك تاكلية وهو فى الطاسة اعملى
زى ما هاعمل بالظبط
وشوفى النتيجة
اول حاجه ياستى انا باجيب كام فرخة للشهر انضفهم واكيسهم والصدور باقطعهاللشيش والبانية اما هاتشوية او تقليه
التتبيلة
بصلة متقطعة صغير
مكعب ماجى
وبهاراتك اللى بتحبيها
وعصرة لمونة ورشة ملح بسيطة
وشوية زعتر
مطحونين وبايدك ادعكيها
كويس قوى واخلطيهم مع الصدور
حد هايقولى مية بصل بس هاقولها انا ماحبتهاش بمية البصل خالص
ابقى نضفى الصدور من البصل قبل ماتحطيها فى الدقيق
انا باشيلهم فى الفريزر واطلع وقت ما انا عاوزة لو انتى هاتعملى بالطلب يبقى من بالليل فى التتبيلة دى
المكونات
نص او اقل بانيه حسب عدد افراد الاسرة يعنى متبل بطريقتنا اللى فوق
بعد كده البهارات اللى هاتتبلى بيها الدقيق والبقسماط
هى دى
عبارة عن بصل بودر_توم بودر_ زعتر_ بهاراتك المعتمده _رشة ملح بسيطة
انا عن نفسى باتبل كيلو دقيق وزيه بقسماط واحتفظ بيهم متبلين فى التلاجه
هنا بقى طبعا عارفة الخطوة دى
دقيق بيض بقسماط
وده شكل البانية بعد الخلطة دى وتدخليه الفريزر او التلاجة لمده نص ساعة علشان يمسك والطبقة اللى عملناها وماتجريش منننا
وبعد نص ساعة تقريبا طلعته وقليته
النص ساعة طبعا كنت عملت الرز الريزو و التومية وسلطة خضرا كمان
الرز الريزو زى الكتاب ما بيقول والله يابنات يجنن وطعمه احلى من كنتاكى كمان
الرز الريزو
المقادير
نص كيلو رز مغسول تمام
ربع كوب صويا صوص حلوة
تلات معالق كبيرة كاتشب
اربع مكعبات مرق ومعاهم بصلة متقطعة صغير وتوم مفروم
الطريقة
نحط فى الحلة السمنة والزيت وماعهم البصل يصفر وبعدين التوم
وننزل بالماجى عليهم وبعدين الصويا صوص والكاتشب
وننزل بالرز ونشوح فيه خمس دقايق ويعدين ننزل بالمية بتاعه الرز
ونسيبه يغلى ومانغطيش الحلة لما يشرب ميته نوطى خاااااااااالص ونسيبه مع نفسه
ملحوظة مهمه بلاش تحطى ملح لان الماجى هاتخلية كويس
اسيبكم مع الصور
هنا كنت حطيت الصويا صوص والكاتشب
هنا لما زودت الميه
مواضيع هذا القسم برعاية
امانى جميلة امانى جميلة 293909_53.gif برنسيسة فتكات Fatakat 293909 جدة – السعودية(الغربة)