يالا نبتدى بسم اللة
المقادير
3ك لبن بقرى او جاموسى اللى تحبية
ربع كوباية خل او ليمون اوعلبة زبادى اللى موجود عندك استخدمية
ازازة منفحة ودى حتلاقيها فاى صيدلية بيطرية والازازة بجنية
نحط اللبن على نار هادية جدا واول مايسخن يعنى اللى هو بعد الدافى بشوية وسط كدة ترفعية من على النار وتنزلى علية بالخل
وتقلبى لمدة نص دقيقة كدة وبعدين تحطية فى مكان دافى نص ساعة
وبعدين تخرجية وتنزلى علية بالمنفحة معلقة اكل على كل كيلو لبن
وتقلبى لمدة دقيقتين كدة حتلاقى اللبن بدا يتقل ويكلكع تقومى حطاة تانى فى مكان دافى ساعة ونص
حتطلعية بعدها حتلاقية فصل وبقى فية جبنة الى حد ما ناشفة زى دى كدة
تقومى ماسكة الجبنة اللى طلعت معاكى دى وتقطعيها قطع صغيرة اوى
وتحطيهم فى الخلة كدة ربع ساعة تانية
وبعدين تنشليهم فى مصفاة كدة
وبعدين تحطيها فى شاشة وتقفليها وعلقيها فى اى مكان عشان تنزل السائل بتاعها حوالى 4ساعات
وبعدين خديها زى ماهى كدة على التلاجة 12ساعة عشان نسبة الحموضة تعلى فيها
وبعد كدة خديها واعمليها كور صغيرة زى البيض او الليمونة كدة
وتكونى حاطة مية على النار وقبل مرحلة الغليان ترفعيها من على النار
وتنزلى الكور دى فيها وبسرعة حتلاقيها ساحت وبقت حتة واحدة تقومى نقلاها فى طبق تانى فية ماية متلجة بس الخطوة دى تكونى سريعة فيها
وتكوريها تانى وهى فى الماية الساقعة وتضغطى عليها
وبعدين صفيها بقى وسيبيها فى التلاجة نص ساعة كدة عشان تنشف وتعرفى تبشريها والنتيجة النهائية اهية
مواضيع هذا القسم برعاية
ام جنى ومالك ام جنى ومالك فتكات هايلة Fatakat 513403 الاسكندرية – مصر
