ازيكوا وحشتوني مووووووووووت
انا باه النهارده جبت لكم اللازانيا اللي انا عملتها كنت سالت علي الطريقه هنا لاني كنت خايفه اوي من سلق المكرونه بتاعتها بس الحمد لله جت سليمه
بالمناسبه عايزه اشكر حبايبي اللي ردوا عليا وهما الفتوكات ( بلاك بيري- Queen Flowers- امل مستحيل- merocha)
معلشي رغيت كتيرررررررررر وطولت عليكو ندخل في الموضوع
المقادير: مكرونه لزانيا وانا استخدمت نص كيلو – لحمه معصجه – بشاميل – جبنه موزاريلا وشيدر
الطريقه
– اول حاجه بنسلق مكرونه اللازانيا وانا قسمتها علي مرتين علشان متلزقشي وبعد السلق نحطها في ميه الحنفيه
– وبعدين بنعصج اللحمه المفرومه وانا حطيت عليها معلقتين صلصه
-بعد كده بنجهز البشاميل وانا عملتها بالطريقه دي
3 معالق سمنه وحطيتهم علي النار لما يغلوا نحط عليهم 5 معالق دقيق ونقلب لحد الدقيق ما يحمر وبعدين نحط اللبن شويه بشويه ونقلب بسرعه علشان ميكلكعشي من الاحسن نطفي النار لحد ما نضيف اللبن وانا حطيت نص كيلو لبن ونسيب البشاميل علي نار هاديه لحد ما يتقل وطبعا نضيف ملح وده الشكل النهائي
دلوقتي كل حاجه جاهزه نيجي لتشطيب الصيبيه – نجيب صينيه وندهنها سمنه ونمعلقتين بشاميل ونرص فيها اللازانيا بالشكل ده
– بعدين نحط معلقتين بشاميل ولحمه معصجه وعليهم جبنه موزاريلا وشيدر بالشكل ده
ونرص عليها اللازانيا ونحط البشاميل واللحمه والجبنه مع تكرار الخطوات دي لحد ما الصينيه تتملي وفي الاخر بنغطيها بالبشاميل وده شكلها
ندخلها الفرن ونكون مولعينه قبلها بشويه ولما تحسي انها قربت تستوي خرجيها ورشي علي وشها موزاريلا وشيدر ورجعيها تاني لحد ما وشها يحمر وده الشكل النهائي
وبس كده كلوها بالف هنا وشفا انا عملت معاها فرخه محشيه والحمد لله اول مره مطقش ومن فرحتي بالمعجزه دي صورتها للذكري ههههههههههه ودي الصور يارب تعجبكم
ويارب تقيمو المره دي والا مواضيع هذا القسم برعاية
zozogad zozogad 83281_1.gif سوبر فتكات Fatakat 83281 نيويورك – امريكا