باركولى الحمد لله عملت العملية فى 15دقيقة فقط وانا صاحية وخرجت ولبست نظارة شمس وروحت على البيت
اه والله هو دا اللى حصل
عملتها بأحدث جهاز نزل مصر ببصمة العين عشان موضوع الايستجماتيزم والكلام ده
ولا فى زغللة ولا صداع ولا اى حاجة والحمد لله رميت العدسات اللاصقة اللى قرفتنى وتعبتلى عينى جدا
بس قبلها عملت فحوصات عشان اعرف ادا كان ينفع لى عملية الليزك ولا لأ
عشان فى ناس عنيهم قابلة للضعف مرة اخرى بعد كام سنة من العملية
انا عملتها فى مستشفى دار العيون بالدقى
مع دكتور شاااطر جدا جدا جدا اسمه وائل عويس
والعملية بالفحوصات اتكلفت حوالى 5 ألاف جنيه
هى كتير انا عارفة بس الجهاز ده بيعالج كل نقطة فى عينك زيادة او ناقصة
ولازم يكون نظرك ثبت خلاص مش لسه بيضعف
وانا دخلت غرفة فيها جهاز بهدومى زى ما انا
وحطولى قطرة بينج للعين فقط مش بتحسى بيها بس بتبقى شايفة كل حاجة بيها وبتبصى فى الجهاز على ضوء وبسسسس
ولا بتقعدى فى ظلام ولا اى حاجة
المهم الف حمد وشكر ليك يا رب
الزهقانة من عيشتها الزهقانة من عيشتها images/flowersavatars/avatar0031.jpg فتكات نشيطة Fatakat 338330 القاهرة – مصر
سبحان الله و بحمده