بسم الله الرحمن الرحيم
انا جيبالكم النهارده وصفه للطحال بس ايه من خبرتى علشان بابا جزار نبدأبالمطلوب
1-حله كبيره نصها ميه
2-طحال كامل من عند الجزار واهم حاااااجه يكون سليم علشان اما يتسلق متروحش فايدته
3-ملح وفلفل وبهارات وعصير بصل وعصير طمطمايه و3بيضه
4-زيت للقلى
5-سكينه حاميه جدا
الطريقه
حطى الطحال فى الحله بعد الميه ما تغلى وحطى شويه ملح علشان ما يفورش(حوالى ساعه ونص)او زى ما يستوى (حطى السكينه فيه بالراحه لو طلع دم يبقى لسه )
بعد ما يستوى حطى تحت الحنفيه وقشريه حتلاقى عليه طبقه رقيقه من الجلد
وبعدين قطعيه طرنشات رفيعه جدا عى قد ما تقدرى
وتبليه فى الملح والفلفل وعصير البصل والبهارات والطماطم وسبيه شويه فى الثلاجه
وبعدين طلعيه وتكونى مجهزه البيض فى طبق كبير
حطى على البيض وقلبيه فى بعض كويس قوى
حطى الزيت على النار واقليه لحد ما يبقى احمر غامق او على حسب ما تحبى علشان يبقى مقرمش
قدميه مع سلطه طحينه وعيش فينو وصوصو شطه حسب الرغبه وبالهنا والشفا
(معلش مفيش صور المره الجايه مع السلامه
مواضيع هذا القسم برعاية
العزيزه99 العزيزه99 122259_1.gif فتكات نشيطة Fatakat 122259 الاسكندريه – مصر
سبحان الله و بحمده