السلام عليكم ورحمة الله وبركاته
انا هعزم بابا وماما واختي وولادها بكرة ان شاء الله وقلت لماما اعملكم محاشي وكده قالت لي تقيلة اوي في الصيف وزهقنا منها شوفي حاجة خفيفة المهم انا بفكر اعمل الاكل ده عايزة بقي رأيكو كده كويس ولا ايه:
1- مكرونة مسلوقة: سادة وعليها سمنة وزعتر وهعمل جنبها "بس برة مش عليها يعني" ( صوص طماطم – وايت صوص – بشاميل) واللي عايز صوص معين ياخده من باب التنويع يعني
2- لحمة مفرومة :عشان لو عايزين يحطوها علي المكرونة (هنا برضه انا محتارة اعملها كفتة ولا اخليها كده عشان لو عايزين يحطوها مثلا علي المكرونة مع البشاميل او الوايت صوص؟؟؟)
3- لحمة سكالوب
4- رقاق باللحمة المفرومة
5- سلطة خضرا + سلطة زبادي
6- شوربة خضار: ( ومش عارفة هتليق علي الاكل ده ولا ايه؟؟ بس اصل كله نواشف)
7- عصاير بقي وممكن جيلي او كنافة بالمانجة
قولوا لي بقي الاكل ده كويس ولا اغير ايه ؟؟؟ ولا ازود ايه ؟؟؟ مواضيع هذا القسم برعاية
fola 30 fola 30 430484_3.gif فتكات رائعة Fatakat 430484 القاهرة – مصر