السلام عليكم ورحمة الله وبركاته
ازيكم يا فتوكات انا مش عارفه ابدا منين
هقول على المشكله الحاليه ويارب الاقي عندكم الحل
انا من 11 شهر لما كنت فالمستشفى عشان الولاده كانوا حطين محاليل وابر وكده في ايدي خرجت بعد 5 ايام
المهم من ساعتها انا عندي التهالب في اعصاب الايدين الاتنين
اخدت علاج كتير اشكال والوان وعملت علاج طبيعي واخدت كوتيزون في عصب الايد
بجد الوجع حسه انه بقه في نفوخي الاول كان عند المعصم وعند الصباع الكبير
وبعدين بقه لغاية الكوع كده من الايد من ادام كان فيه حاجه مكلكعه جوه مش بعرف اتحكم في ايدي ووجع يموت
وبعدين بقيت لغاية الكتف
انا لما بنام ايدي بتورم اوي اوي شكلها يخوف انا اصلا رفيعه وايدي رفيعه اوي والوجع بيزيد جدا وبقت تنمل وانا نايمه بجد تعبت وزهقت بقه
والنبي عايزه اخف
انا مش من طبيعي كده انا بحب اشيل واحط واتحرك واعمل كل حاجه
انا باخد مسكنات كتير وربطاها علطول وبحط مراهم ولفاها طبعا ما اقدر ما اكتبش لاني بشتغل وبكتب وكمبيوتر وكده
حسه انى مشلوله
مش عارفه العب مع النونو بتاعي
وباجي على نفسي من غيظي اشيله واسنده على جسمي وعلى وسطي عشان العب معاه بس ايدي بتوجعنى شويه اروح سيباه على الارض
ما ينفعش انام خمس دقايق الاقيني قايمه اعيط وماسكه ايديا !
انا كنت زمان بلعب تيكوندوا ولعبت سله واخر حاجه كنت بلعبها سباحه يعنى انا رياضيه
ارجوكم ساعدوني بقه
انا مش عارفه فيه ايه من 2024 بعد ما اتخطبت حياتي خربت لازم كل سنه ادخل عمليات !
اول حاجه غضروف الركبه اتكسر واتفلت خالص
وبعدين دروس العقل تلاته عملولي مشاكل واخر واحد طالع بالعرض في عضم الفك وماكنش فيه مكان عشان فكي صغير عملولي عمليه وبردوا الفك ومضوني على تعهد لانه كان جاي على عصب الوش وكان ممكن يعمل شلل والحمدلله فاتت على خير
وبعدين دكتوره غلطت فيا وقطعتلي امعائي والرحم وهي بتعمل تنضيف
وبعدين في البيبي ده وهما بيطوا القسطره خرموا المثانه
المهم دلوقتى ايدي قالولي لازم عمليه يقطعوا الرباط اللي ضاغط على الوتر
انا مش عيزه عمليات تاني بقه اللي عنده حل يقولي ارجوكم انا مش مبسوطه ابدا ابدا انا طول عمري بذاكر ومجتهدي وشاطره وبعمل كل حاجه فالبيت ونشيطه مش اجي فجاه احس انى باييظه !
برنسه برنسه فتكات متميزة Fatakat 141151 حولي – الكويت