ازيكو يافتوكات وحشتوني اوي يارب تكونوا دايما بخير
انا بصرحه كده ومخبيش عليكي يافتوكتي حاكم انا بحبكم كلكم في الله وكلنا اخوات طبعا ففتكات
فانا وجوزي في خلاف بينا صغنتوط وبيني وبينكو قلت أم اعمله حاجه حلوه كده زيكو ففكرت فالكيكه
فتحت كذا وصفه عالنت معجبتنيش الا بتاعت الشيف علاء الشريبيني فنزلت السوق وما ادراكي ما السوق
وجبت الحاجات وجيت عشان اعملها وأوري خطواتها للفتوكات حبايب قلبي وعشان مطولش اكتر من كده نبدأ بسم الله
اول حاجه المقادير:- (للمعلومه هو عملها فالحلقه بتاعته 2كوب دقيق فأنا زودت وخلتهم 3 وزودت فالمقادير)
3 بيضات
كوب ونص سكر
3 كوب طحين (الدقيق)
معلقه صغيره فانيليا + معلقه كبيره بيكنج بودر
34 كوب سمن (يعني بيالبلدي كده كوبايه الا ربع)
بشر 1 برتقاله
ندخل علي المهم الطريقه :-
طبعا عندنا المكونات فاضل نخلط ايه مع ايه نبدأ
1) نخلط البيض بالمضرب الكهربي او العادي فانا عشان المضرب الكهربي عندي بايظ بصراحه فانا استعملت البديل
2) نحط السكر والفانيليا والسمن ونص كمية بشر البرتقال
هنا لما حطيت السكر والفانيليا
وهنا لما حطيت نص كمية بشر البرتقال
معلش الاضاءه هاديه شويه جوزي مخليلي البيت كله أضاته هاديه محسسني اني هتدخل المطبخ انام مش أطبخ
ما علينا طبعا هنقلب المكونات مع بعضها بالمضرب لحد ما تحسي انه كله بقي مع بعضه
3) أنزلي بالدقيق وعليه البيكنج بودر وقلب يامعلم كويس ههههههههههه قعدين فغرزه ولا ايه ايه معلم دي هههههههههه
4) تحضري صنيتك ويريت تبقي تيفال بس للاسف انا معنديش منها الحجم الوسط عندي
الصغير والكبير فعملت في صنيه الومونيوم عديه بس انا بقول للي عندها الحجم الوسط منها
وبعدين أدهني الصينيه بمعلقتين سمنه مش كبار اوي ووزعيهم علي كل انحاء الصينيه كده
5) حطي باقي بشر البرتقال اللي عندك علي السمنه اللي حطيتيها كده
6) حطي بقي ياقمر الكيكه بتاعتك في الصينيه طبعا هتكوني مولعه الفرن قبلها
بربع ساعه عشان لازم يبقي فرنك سخن اوعي تنسي المعلومه دي
هتاخد فالفرن حوال 30 دقيقه اوعي تفتحي عليها الفرن لتهبط منك وبعدين تطلعيها بعد الوقت مايخلص وهيبقي ده شكلها وعشان تتأكدي انها استوت اغرزي فيها سكينه لو طلعت نظيفه يبقي استوت لو طلعت فيها لحسة كيكه يبقي لسه شويه بس دي بتاخد بالظبط نص ساعه وهتدعيلي بقي علي الطعم
طبعا عشان عيون جوزي كتبت اسمه عليها من فوق بشوية جوز هند(اصله بيموت فيه) بس
بنتي مصبرتش من حلوتها وكلتلها حته ههههههههه
والله طلعه طريه وجميله ومش مفروله انا حبيت اوريلك قد ايه طريه
الطبق ده للفتوكه حبيبتي اللي هتقدر تعبي وتجري تقيملي
مواضيع هذا القسم برعاية
ام جنا2016 ام جنا2016 747217_13.gif فتكات ست الكل Fatakat 747217 القاهره – مصر