ازيكو يا فتاااتيك
كنت عايزة انقلكوا تجربتى علشان محدش يعمل كدة ابداااااااااااااااااااااااااااااااااا ..انا كان مقاسى 40 قمت اتفلحست و عملت زى معظم البنات ما بتعمل و بقيت اشترى احذية اضيق من مقاس رجلى بدرجة او درجتين .. واستحمل المشى المتعب و الجروح فى رجلى علشان اقول ان مقاسى 38 لحد ما حصل اللى مكنش خطرلى على بال .. بس الكلام ده مش علطول ده بعد سنتين او 3 سنين
بقيت احس ان رجلى مش قادرة اقف عليها و كل ما ادوس عليها احس بالم جامد لفيت على دكاترة كتيييييييييييييييير و كلهم يدونى علاج و اخف و ترجع تانى بس كان كلامهم كلهم واحد انى يا بمشى كتير يا بلبس احذية مش مريحة لانها بتضغط على عضلات القدم و بتسبب التهابات فى الاوتار ودى حاجات مزمنة
الخلاصة .. اوعى تلبسى حذاء ضيق عليكى اوعىىىىىىىىىىىىىىىىىىىىىىىىىىىىى ولا تهتمى بشكل الحذاء على حساب تعب رجلك
لو بترتاحى فى الكوتشيات البسيها لانها احسن حاجة و ماتتكسفيش لان محدش هايسلفك رجلوا لو لاقدر الله حصلها حاجة و سيبك من الباليرينات المتعبة و بلاش لبس الاحذية الهالية اوى او اللى فيها ميل
فعلا القدم نعمة كبيرة اوىىىى مايحسش بيها الا اللى عنده مشكلة فيها .. واخيرا لو عجبكوا موضوعى تدعولى بس ان ربنا يشفينى
فتوكة دايخة فتوكة دايخة 801131_1.gif فتكات حبوبة Fatakat 801131 القاهرة – مصر
سبحان الله و بحمده