ازيكم يا بنات
طبعا تلاقيكم حفظتوني وزهقتوا مني من كتر ما بتلاقوني في القسم ده يا رب كلنا نتنقل من هنا ونبقي حوامل ان شاء الله
انا هفكركم الاول بنفسي وكنت عايزة اللي عندهم خبرة ويا سلام لو فيه معانا دكتورة نسا تقدر تفيدني
انا عندي 31 سنه متجوزة بقالي 9 شهور وطبعا محصلش حمل
جوزي عنده ضعف في حركة الحيوانات المنويه
عمل تحليل كانت 20% وخد علاج من دكتور نسا لمده 3 شهور ( ال كارنتين وبيو زنك )بس مقدرناش نصبر وعمل التحليل بعد شهر
لقي الحركة 5%بس ههههههههههههه
احنا قلنا يمكن كان عيب معمل وكده في التحليل الاولاني
وراح لدكتور امراض ذكورة اداله
(كارنفيتا فورت ، بيو ستروج ، اوكتاترون )قرص في اليوم من كل نوع وقاله عندك دوالي بس احنا الاول هنجرب العلاج
وتعالى بعد 3 شهور ومعاك اعادة للتحليل وكمان دوبلار للخصية وهنشوف نعمل ايه
الاسئلة بقي :
1- لازم نستني ال 3 شهور يعني هو دلوقتي فاضله كام يوم ويخلص اول شهر نروح نعمل التحليل ونشوف الدنيا هنبقي شكلها ايه ولا الكورس لازم يبقي 3 شهور؟؟
2- ممكن انا آخد منشط مثلا ( الدكتور قال اني كويسه الحمد لله ) فتزيد قدرة البويضه على التخصيب ويحصل الحمل اسرع على حالةجوزي ال 5% حركة ولا ملوش لازمة؟؟
3- ايه ممكن تبقي خطة الدكتور لو بعد 3 شهور العلاج ما جابش نتيجه ( لا قدر الله يييييييارب )؟
4- ايه الفرق بين الحقن المجهري والتلقيح الصناعي خصوصا اني عايزة حاجه تكلفتها اقل لاننا لسه طالعين من جواز ومعناش فلوس
وايه الفحوصات اللازمه قبل التلقيح الصناعي لاني سمعت انه ارخص وبيتكلف حوالي كام وبيتعمل فين؟؟
لو حد عنده تجربه مماثله وخف بالعلاج او عمل تلقيح او حقن يا ريت يفيدني
احسن انا تقريبا ما بنامش من كتر ما نفسي اخلف العمر بيجري يا ناس وانا بكبر
بالله عليكم تردوا عليا ضروري
اللي حصل حصل وخلاص اللي حصل حصل وخلاص 237563_7.gif فتكات متميزة Fatakat 237563 الخارجة – مصر