ازيكو يا احلا فتوكات
انا الحمد لله متجوزه وعند بنت وتؤام ولدوبنت ومشاء الله كل هذه العوامل والاسباب ادت انى من 59 الى 93 ويمكن ازيد عشان انا خايفه اوزن
المهم انى بقالى 4 سنين بدخل تقريبا يوميا قسم الرشاقه
المهم انا بعد الولاده التانيه قررت انى اخس بقا ولما وزنت اتصدمت كان اكبر رقم اشوفه فحياتى كان 101 اه واللهى ياختى شوفتى اللى حصلى الحمد لله
وطبعا عملت ريجيم تخفيف وراه تمر باللبن ووصلت لل93 الحمد لله انا يا بنات عاوزه اوصل ل60ان شاء الله المهم بقا انى معنديش اراده خالص وده فى حاجات كتير فحياتى مش بس فالدايت يعنى كل يوم انوى انى اصلى ومش بيحصل وانوى انى اقراء قران ومش بيحصل وانوى انى اعمل دايت ومش بيحصل الحمد لله
المره دى ان شاء الله انا منوتش انى اعمل دايت انا نويت انى يكون عندى ارداه فى كل حاجه ان شاء الله
ومش هبتدى ولا من اول الشهر ولا من اول الاسبوع هبتدى من بكره ان شاء الله
هبتدى اخفف اكلى واخفف الحويات اصلى بحبها اوى وامنع اكل من بعد الساعه 5 ان شاء الله
المهم انى باذن الله هدخل اكتب يومياتى وهاكتب كل حاجه بصراحه حتى هكتب تقرير الصلاه وقراءه القراءن حتى اذا كانت صفحه مش طالبه منك غير الدعا والموضوع مفتوح لاى فتوكه عاوزن تكتب يوميتها هيا كمان
مش طالبه منكم غير انكم تدعولى بانى التزم اللهن امين
شكرا يا فتوكاتى انكم قريتو موضوعى ومتاكده انكم دعتولى ان شاء الله
لا اله الا انت سبحانك انى كنت من الظالمين
soska1 soska1 فتكات متميزة Fatakat 1030343 cairo – egypt
سبحان الله و بحمده