https://fatakat.univanet.com/#5576700 ده موضوعى كنت كاتباه من كام يوم المهم انا امبارح روحت للدكتورة و كلمتها فى الاعراض دى قالتى انتى كانت بويضاتك كويسة ماشاء الله كانت عشرين و معنى الاعراض دى ان تبويضك كان كويس المهم قالتلى هعملك سونار على بطنك عشان اشوف اذا كنت هديكى كلوميد ولا لا الشهر ده فطبعا لقت كيس وظيفى فى السونار حجمة 5 سنتيمتر و قالتلى لا مش هينفع بقى اديكى الكلوميد الشهر ده خليكى الشهر الجاى و متخافيش الكيس ده صغير و هينزل لوحده مع البيريود الفكرة مش فى كدة الفكرة انى بقولها طيب انا اعمل كام محاولة تنشيط بالكلوميد و الابرة التفجيرية مثلا 6 شهور قالتلى لالالالالالا 6 شهور اية ده كتير اوى هم 3 بس قولتلها طيب و العمل لو ماحصلش حمل مثلا قالتلى لا ان شاء الله يحصل فى المرتين الجايين و انتى هدى نفسك و انسى الموضوع خالص و هيحصل ان شاء الله و ممكن تحملى لوحدك من غير منشطات اصلا قولتها ماشى بس برضه عايزة اعرف لو المحاولات كلها فشلت اعمل اية قالتلى طفل انابيب و طبعا العملية دى مكلفة جدا و مافيش امكانيات حاليا خاااالص انا مش عارفة احاول بالكلوميد و خلاص و اتابع كل شهر لحد مايحصل حمل و لا بعد ال 3 شهور اللى هى قالت عليهم خلاص ما استخدمش حاجة و اسيب نفسى بقى و ماادورش على حمل ماهو انا عندى ضعف تبويض لما جيت خدت الكلوميد كون كيس ولو مش هاخده هيفضل الضعف موجود انا محتاااااااااارة اعمل اية هى قالتلى الكيس ده اتكون الشهر ده ممكن شهور تانية مايتكونش اكياس و تكونى واخده كلوميد برضه يعنى بظروفها اعمل اية تصحونى باية انا مغتربة و مش عارفة اتصرف خالص ياريت بس اللى تدخل تقولى الحقيقة بناء على تجربتها او حد من اللى حواليها كما هى كدة هرتاح حتى لو هتعب شوية فى الاول بس هرتاح بعدين انما العشم و الامل فى حاجة بعيدة و ممكن ماتحصلش صعب اوى و الانتظار قاااااتل و الله انادموعى من امبارح مانشفتش اقسم بالله (انا عندى 29 سنة و عندى تكيس بس نسبته بسيطة و كنت عاملة من حوالى سنة و نص تحليل هرمونات عشانالبيريود ماكانتش منتظمة و طلع ال lh عالى و عالجته الحمد لله بس و ماعنديش اى عيوب خلقية و لا اى حاجة تمنع غير بس ضعف التبويض و الحمد لله استجبت من اول شهر للكلوميد) الله المستعان
remo temo remo temo 813463_1.gif فتكات متميزة Fatakat 813463 العين/ ابوظبى – الامارات
سبحان الله و بحمده