السلام عليكو يا بنات
انا فى الشهر السابع بفضل الله, و سرتى بلاقى فيها حاجات لونها اسود كده عاملة زى الكورة الصغنونة و ليها ريحة وحشة لما بقربها من مناخيرى.. زى ما تكون الحاجات دى طالعة من السرة, هو الموضوع ده حصل النهاردة و من 3 ايام تقريبا, يعنى مش بيحصل كتير و بتكون حتة واحدة اللى بلاقيها فى سرتى مش كتير يعنى, بس لما الموضوع اتكرر قلقت لانى مش عارفة ايه ده و لا ده من ايه ؟؟؟
انا على فكرة بدهن بطنى و سرتى زيت زيتون و ساعات زيت لوز, بدهنها كل يومين تقريبا, و برش على سرتى برفان اوقات كتير, حد يا جماعة يفهمنى اللى بيحصل ده ايه بالظبط و هل ده حاجة خارجية و لا ممكن لا قدر الله يكون حاجة داخلية من البيبى و لا ايه ؟؟
و سؤال كمان بس محدش يضحك عليا
هى السرة دى هى اللى موصولة بالحبل السرى بتاع النونو و اللى بيوصله الاكل و يتنفس عن طريقها و لا دى موصله على ايه بالظبط ؟؟
معلش يا بنات اصل اختكو عبيطة
امانة عليكو اللى تدخل الموضوع تدعيلى ان شاء الله حتى فى سرها لانى بجد اعصابى تعبت و حاسة انى مش فاهمة حاجة و نفسى اوى ربنا يكملى على خير و يفرح قلبى و قلب جوزى .. و ربنا يخليكو ليا يا رب يا بنات انا بجد بحبكو فى الله
توتة كتكوتة توتة كتكوتة فتكات رائعة Fatakat 385094 القاهرة – القاهرة