السلام عليكم
دلوقتى يا بنوتات انا بقى عاوزه حد يفهمنىلان الدكتوره بتاعتى هيا شاطره ب بحسها مش بتحب تخوفنى ولا تهول المواضيع بس دايما تقولى حملك وحش المره دى وهانت خلاص
انا اول المل كان فى كيس دم جمب كيس البيبى واخدت مثبتات كتييييير وحاجات اقوى من الفوليك اسيد اللى بتساعد على تخليق البيبى والحمد لله الحمل كمل والبيبى ماشاء الله عليه دلوقتى بقى اول حاجهكل اعراض حمل الولد عندى حتى شكل بطنى مبوزه موحمتش خالص لسه ابتديت ارجع فى الثامن الدوبلر قال بنت والسونار بنت بس انا مش حاسه انها بنت خالص احلامى ولد احساسى ولد فى بنتى الاولانيه مشكتش انها بنت للحظه لكن البيبى ده مش حاسه ابدا انه بنت ويعلم ما فى الارحام برضه عندى وجع وتقل من تحت غير عادى من اول الحمل حاسه انى حقع من تحت وانا نايمه البيبى كانه بيزق المثانه كده وبتتعصر بقوم على الحمام مش قادره لاانام ولا اقعد اخده وضع الثبات لو عملت اى حركه بحس ان بطنى بتتقطع من جوه بحس انها بتتمزق وطبعا ولا اخفى عليكم ان جوزى اتعذب معايا خالص لان من الرابع كده وانا فاقده الرغبه تماما فى العلاقه وبحاول بس مش حاسه باى حاجه لووووووووووووووح تلج وحركه البيبى ماشاااااء الله مستمره مستمره مش بيبطل حركه انا تعبت وراس البيبى لسه نازلة تحت من اول الحمل طول الحمل راسه فوق لف فى التامن مش عارفه ده ايه والدكتوره فى جملى ده ممشيانى على مثبت لغاية مولد وكان نفسى اولد طبيعى المرة دى لان المرة اللى فاتت كانت قصرى لان بنتى فجأة بقت مش بتتحرك ورحت للدكتورة وفعلا لفتها مش بتتحرك ونبضها ضعيف وولدت تانى يوم الصبح فموصلتش للاخر الدكتورة قالتلى مينفعش طبيعى مقدرش اجازف وممكن لقدر الله يحصل حاجه فى الرحم فمقدرش اجازف بيكى وجوزى عاوزنى اخلص لانه تعبلى اوى وحاسس انى خلالالالالالالالالالالاص كده فعاوزنى ادخل التاسع واولد وانا عاوزه استنى للاخر وهوا بيزعقلى علشان تعبانه وبعذب نفسى وخلاص ممكن بقى لو فى حد فاهم يفهمنى الدنا ماشيه ازاى وهل ممكن فعلا يطلع البيبى ولد حتى لو الدوبلر والسونار قالوا بنت انا مش فارق معايا بس احساسى ده مضايقنى حتى لما نزلت اشتريت حاجات بقت بجيب الوان محايده عكس بنتى الاولانيه كنت عملاها كانها باربى كله روز المره دى مش حاسه خالص انها بنت والله اعلم سوا كده او كده الحمد لله والدكتورة بتاعتى ماشاء الله عليها شاطره والدوبلر عملاه فى مكان معروف يعنى مفيهوش شك ممكن اللى فاهم يفهمنى علشان نفسيتى تعبت وكمان فى بنتى اللبن كان ضعيف اوى فرضعت صناعى ممكن بقى حد يقولى اعمل ايه من دلوقتى علشان لما تيجى ترضع نفسى اوى ارضعها مش زى بنتى الاولانيه حاسه بالذنب بالرغم والله حاولت معاها بس الدكتور قالى لبنى مش بيزودها فاضطر يدخلها صناعى وهوا ضده بس مضطر وحلمة صدرى بدهنها بحاحه اسمها ريفى 2 هل ده حيساعد لى عدم تشققها فى الرضاعة ولا فى حاجه احسن ممكن تساعدونى بقى
انا بقى كنت عاوزه اسألكوا على حاجه وحضيفها للموضوع انا من بعد الرابعكده ومفيش حاجه بتريحلى معدتى غير البيبسى حاسه انى مش قادره مشربهاش كل يوم ومش قادره ابطلها مع انى فى العادى مبحبهاش اوى بس فى حملى ده هيا اللى مريحانى وبشربها هيا والشاى بس الشاى ممكن اه وممكن لا انما البيبسى لالالالالالالازم حتى لو تعبتلى بطنى شويه بس مش قادره غصب عنى مش قادره ابطلها انا حاسه بالذنب ومرعوب وفى نفس الوقت مش قادره ابطلها ممكن تقولولى فى ضرر على البيبى فى حاجه لو ضرر عليا انا مش مهم المهم البيبى فيدونى بلييييز
rodialex rodialex فتكات متميزة Fatakat 21568 الاسكندرية – مصر