السلام عليكم ورحمه الله وبركاته
انا عاوزاكو بس في الاول تدعولي من قلبكوا ان ربنا يكملي حملي علي خير ويرزقني بالذريه الصالحه الخاليه من الزياده او النقصان
وكمان تصلوا علي النبي خمس مرات كده علشان برضه ربنا يكرمنا كلنا
ندخل بقه علي الموضوع
ازيكم يا بنات انا موضوعي اهو للي ميعرفهوشhttps://fatakat.univanet.com/#2373308
انا نزلت مصر الحمد الله بعد ما كلمت ماما طبعا وقالتلي انزلي وكلمت خالتوهي دكتوره نسا في مصر وقالتلي برضه انزلي الحمدلله هوكان القرار السليم انا عارفه طبعا اني خسرت حاجات كتير بس الحمد الله قدر الله وما شاء فعل واهم حاجه اني اكون متطمنه وانا وسط اهلي وفي بلدي كمان
انتو طبعا لو قريتو الموضوعهتلاقو ان الدكتور بتاع الكويت كان قايلي اني احتفظ بالاربعه واعمل عمليه ربط واتابع الحمل هناك
انا لما نزلت مصر روحت للدكتور بتاعي هو بيشتغل في مركز ابو الغار انا خليت ماما برضه كلمته قالتلو الموضوع وكده قالتلو علي ان الدكتور هناك قالي اني اعمل عمليه ربط وكده قالها يستحسن تنزل مصر
وفعلا نزلت عملت سونار تاني وفعلا كانوا اربعه قالي ان انا هعمل عمليه صغيره وهي اني انزل اتنين لان الرحم عندي حجمه صغير اصلا مش هيستحمل 4 تواءم وقالي لو سيبتيهم ممكن يجيليك الم الولاده في الشهر الخامس او السادس وطبعا في الحاله دي الاربعهمش هينفعوا لان نموهم مش هيكون اكتمل ده غير اني هتعب جدا في شهور الحمل كلها وانا اصلا ضعيفه مش هستحمل كل ده قالي بس علشان اكون صادق معاكي في نسبه اجهاض كامل 5% المهم قولتله حكايه الربط دي قالي لاه انتي مش محتاجاها دلوقتي وعملت فعلا العمليه بعدهابيوم علي طول وكنت نايمه علي ضهري بعدها باسبوع وكان طعا اسبوع صعب جدا وكنت خايفه جدا لحسن يحصل الاجهاض الكامل لا قدر الله وروحتللدكتور يوم الاحد اللي فاتده الحمد الله طمني واداني مثبت تاني اللي هو سايكلوجيست بداته من قبل عمليه بيوم ونزل اتنين بطريقه معينه كده انهم بيشفطوهم بحاجه شبه الابره
وهو كان طمني انهم بيعملو العمليه دي في مستشفي ابو الغار كتير وفي دكاتره متخصصين بس طبعا لازم تتعمل قبل ما البيبي يكبر لحجم معين
الحمد الله اني نزلت علي طول ومتاخرتش
طبعا انا مقدرش اقول ان راي الدكتور بتاع الكويت كان غلط لان الله اعلم لو كان فعلا عملي الربط دهكان ممكن يستمر الحمل بخير ولا لاه
والله اعلم بعد العمليه اللي انا عملتها دي الحمل هيكمل ولا لاقدر الله لاه بس الاهم اني هنا في وسط اهلي طبعا جوزي صعبان عليا جدا وكان نفسي اكون معاه بس هونفسه كان رايه اني انزل مصر وهو نزل معايا برضه لحد ما اطمن من الدكتور ورجع تاني ربنا يعدي الايام علي خير وتعدي بسرعه ويقومني بالسلامه ويرزقني بالذريه الصالحه السليمه الخاليه من العيوب والامراض ويهدي جوزي ويبعد عنه شر السفر ويهديني للخير دايما
انا طالبه منكم بس الدعاء من القلب ان ربنا يكملي حملي خير
واخيرا الحمد الله رب العالمين
وياريت تصلو علي النبي خمس مرات كمان علي ما اقوم اصلي الضهر وارجعلكو ان شاء الله
معلش طولت عليكو وقلقتكوا
ايها الحب لا تهجرني ايها الحب لا تهجرني 278347_1.gif سوبر فتكات Fatakat 278347 القاهره – مصر
سبحان الله و بحمده