حبايبى السلام عليكم
امبارح انا وحت لدكتورة رجيم لان وزنى كان 77 او 78 وهووووب بقيت 85
ومهما اعمل رجيم مش بخس خالص والله حتى بروح جيم وزنى مش بينقص جرااام
روحت بقى للدكتورة امبارح كانت عسولة مووووت
سألتنى قالتلى اخر مرة عملتى فيها رجيم كان من امتى قولتلها من حوالى 3 شهور بس مكنش رجيم رجيم كان تخفيف ويوم اعك ويوم لا وقعدت اسبوعين وسيبته وكنت بروح جيم ومكنتش بخس
ومن سنة بالظبط روحت لدكتور كان بيدينى رجيم كيميائى خسيت فى اسبوعين 3 كيلو ونص قالتلى بس قولتلها منا مكنتش منتظمة بصراحة ومن بعد ماسيبته بدأت اتخن جدا
وبقيت مهما اعمل رجيم مش بخس قالتلى من كتر مابتعملى رجيم فالحرق بيقل
وحطيتنى على جهاز كده وقاستلى نسبة الماية والدهون فى جسمى
وهنا كانت الصدمة قالتلى انتى بتاكلى شيبسى ودليفرى قولتلها اه قالتلى نسبة الدهون عندك عالية جدا جدا وانتى لسه صغيرة فى السن قالتلى الانسان الطبيعى المفروض نسبة الدهون فى جسمه تبقى 20
انتى عندك نسبة الدهون 52 هههههه
والماية فى جسمك قليلة جدا قالتلى انتى مش بتشربى ماية كتير صح قولتلها اه وانا عاملة زى كده
وقاستلى طولى ووزنى ووزنى طلع 85 كيلو وطولى 158 سم
وفضلت تسألنى قالتلى انتى فى العادى بتاكلى كام رغيف عيش قولتلها عادى العيش مليش فيه اوى وانا اكلتى ضعيفة بس انا اكيلة شيبسى وحلويات قالتلى يعنى المدعل الطبيعى كام رغيف قولتلها من رغيف ونص لاتنين وممكن رغيف واحد بس
قالتلى ماشى
قولتلها بصى انا بقالى فترة لما بعمل رجيم بدوخ جدا وبيبقى عندى صداع جامد واعصابى بتبقى بايظة
قالتلى انتى نسبة الهيموجلوبين كويسة عندك قولتلها انا لما حللت من سنة كان ناقص عن المعدل الطبيعى وكان عندى نوع ديدان امبيا من النوع اللى بتخلى الواحد يتخن
قالتلى طب الضغط عندك مظبوط قولتلها معرفش بس مش شكيت قبل كده ان ضغطى مرتفع او واطى
قالتلى عموما انا هديكى نظام رجيم تمشى عليه والاسبوع الجاى تجيلى ولو حسيتى بهبوط او صداع هيبقى فى تحاليل هتعمليها عشان نشوف
وقالتلى تعليمات مهمة
* اول حاجة
اشرب من 2 : 3 لتر ماية فى اليوم
* تانى حاجة
كل يوم اشرب جنزبيل بالشاى الاخضر ازاااى بقى
قالتلى هتجيبى نص معلقة جنزبيل وتغليها فى ماية زى الشاى
وتجيبى معلقة شاى اخضر وتحطيها فى كباية ولما الماية بالجنزبيل تغلى تحطيهم فى الكباية اللى فيها الشاى الاخضر ووتشربيهم
والمشروب ده تشربيه 3 مرات فى اليوم يا أما قبل الاكل بنص ساعة او بعد الاكل بساعتين
* تالت حاجة
الرياضة ثم الرياضة ثم الرياضة
قالتلى تلعبى 3 مرات رياضة فى الاسبوع لمدة ساعة او اكتر
ولو مش عايزة رياضة يبقى المشى ومش المشى اللى خطوة براحة لا المشى اللى خطوته سريعة او الجرى
* رابع حاجة
النوم بدرى واصحى بددددرى
يعنى انام على 1 او 2
واصحى على 10 او 9
والاكل فى معاد محدد التزم بيه
واهم حاجة اكل ال 3 وجبات فطار وغدا وعشا ولازم اكل التلت وجبات
لان ده هيفرق معايا اوى
وبس وخلعت بقى ومعايا ورقة الرجيم
واهو النظام بتاع الاسبوع
وكل اسبوع النظام بيتغير طبعا
متبخلوش عليا فى الرد بقى واى استفسار انا تحت امركو وادعولى اخس بصحة لانها قالتلى الوزن المثالى ليا 51 كيلو ههههههههه انا بقيت عاملة زى كده عمالة بفكر ازاى هخس 34 كيلو هههههههههه
انا بقول اوصل لحد ال 60 وكفاية عليا اووووووى ولا ايه رأيكوا
بنوتة كلبوظة بنوتة كلبوظة 648487_13.gif سوبر فتكات Fatakat 648487 هناك – egypt