السلام عليكم ورحمة الله وبركاته
عاملين اية يارب تكونوا بخير
كل سنة وانتم طيبين
بالله عليكم اللى تشوف موضوعى تدعيلى ربنا يحمى جنينى ويحفظه يارب
انا من اول حملى وانا عندى انذار بالاجهاض وكان بينزل دم احمر ودم بنى الحمد لله على كل حال
باخد ادوية تثبيت وحقن تثبيت
وممنوعه من اى حركه
حتى الصلاة بصلى وانا قاعده والله
اول امبارح تعبت جالى دور اسهال كان حيموتنى
طلعت اجرى على المستشفى عملولى سونار الدكتور قالى فى تجمع دموى خلف المشيمة قالى الدكتورة ان شاء الله حتديكى علاج لية
دخلت للدكتورة قلتلها هو خطر قالتلى اة قلتلها بيسب اجهاض قالتلى اة
فضلت اعيط الدكتورة اتخضت بقيت اعيط كتير والممرضة تدينى مناديل امسح وشى والدكتورة تهدينى
وطالعه منهارة من عندها
وكنت حموت علشان قالتلى بيسبب اجهاض وفضلت اعيط كتير
انا عايزة اسالكم بقى حد جاله التجمع دة وراح الحمد لله ولا لقدر الله بيسبب اجهاض
وبيتحلل التجمع ان شاء الله ولا ممكن يزيد
وياترى لما بيتحلل بينزل دم ولا اية
انا اعصابى تعبانة اوى والله وشبه منهارة
والدكتورة قالتلى اللى بيعملك اسهال كدة هو دواء التثبيت
ادعولى بالله عليكم ربنا يحمى جنينى
انا مستعدة اموت من التعب بس الجنين ميحصلوش حاجة
انا بعيط كتير علشانه وخايفة اوى عليه
وهى الحامل بيجيلها وجع كدة لما تقعد وتقوم او تنام على جنبها
انا فى اخر التالت الحمد لله
وقبل كدة حصلى اجهاض والله
ربنا يسعدكم يارب
عاشقة خطيبها عاشقة خطيبها فتكات ست الكل Fatakat 382379 شرايين حبيبى – قلب خطيبى
سبحان الله و بحمده