السلام عليكم اخواتي و احبتي في الله
انا تعبانة قويييي و نفسيتي في الارض بس الحمد لله على كل حال انا كنت كتبت موضوع للرقية الشرعية لتسهيل الحمل و اخوات كتير ابتدوا معايا و ان شاء الله يكون موضوعي سبب انهم حملوا و يكون في ميزان حسناتي و بعد كده كتبت موضوع و كانت الدنيا مش سيعاني من الفرحة لاني عملت اختبار حمل ديجيتال يعني يطلع على الشاشه علامة سالب او موجب و كان طلعلي موجب و فرحتولي و قلت هروح للدكتورة بعد اسبوعين يكون النبض ظهر
لكن بعد عشر ايام يمكن اشوف اني في عندي افرازات صفراء بعد ما كانت بيضاء و مش هحكلكوا على القلق الي كنت فيه و ده كان بالليل ما رضيتش اقول لجوزي و استنيت لحد الصبح بقت الافرازات اغمق شويه قبل ما يروح جوزي للشغل طلبت منو نروح للدكتوره و بردو ما حكتلوش حاجه و اتفقنا يجيلي بعد الدوام بس بعد ما راح نزل مني دم ما قدرتش استنى كلمتو جاني خدني روحنا للدكتورة و طلبت مني سونار لما عملتو دكتورة السونار قالتلي مش باين لا كيس حمل و لا حاجه بس هو عنق الرحم مفتوح بس قلت خلاص هو اجهاض قالتلي يمكن اه و ليكم تتخيلوا حالتي و جوزي بره قلقان و مستني مسكت نفسي و ما قلتلوش انو يمكن اجهاض رجعنا للدكتوره قالتلي لازم نعمل تحليل دم عشان نشوف في حمل اصلا او لا
انا بصراحه مارضيتش يعني ايه الي هيتغير غير وجع القلب و هو اصلا موجود و مش ناقصه المهم الدكتورة قاتلي يمكن اصلا يكون مافيش حمل قلت كلوا زي بعضو رجعت البيت و كنت محضره المسكن و خليت جوزي يرجع شغلو ما كنتش حاباه يشوفني و انا بتوجع ما انا مجربه الاجهاض قبل كده
فضلت استنى مافيش حاجه نزلت غير دم عادي و وجع بيريود عااااادي و بعد خمس ايام طهرت يعني كانت دوره و اتاخرت 38 يوووووم بس لغاية دلوقتي مش فاهمة ازاي الاختبار كان غلط تصوروا نسبة انو يكون صح 99% و الواحد في المية تطلع معايا !!!!!
الحمد لله على كل حال و على كلام جوزي تاخر الدورة احسن بكتيييير من انو كان حمل و نزل
انا بس حبيت افضفض شويه الحمدلله انا احسن دلوقتي بس بالله عليكوا الي تدعولي ان ربنا يرزقني الذرية الصالحة عاجلا غير اجل
محبه في الله. محبه في الله. فتكات نشيطة Fatakat 1189394 ابوظبي – الامارات العربيه المتحده
سبحان الله و بحمده