اولا صباح الفل عليكم , بصوا بقى انا النهاردة ابدا الاسبوع 34 فى الحمل و كنت عايزة اسالكم كدة : اية هى التجهيزات ؟؟ و الترتيبات عموما ليا و للبيبى و للبيت كمان؟؟
و اجهز اية معايا فى الشنطة ؟
انا هاقوللكم انا فكرت فى اية و الى جبتة و ارجوكم تكملولى الى ناقص و الى ممكن ينصحنى بحاجة يكون مشكور ,, اولا انا جيبت للبيبى عدد 12 كفولة – 6 بناطيل – 6 فانلات كت – 6 فانلات نص كم – 6 فانلات بكم – 6 شايات بكباسين من الجمب – 6 قماط – 6 كوافيل و 6 جلاليب 3 منهم قماش و 3 قطن -و بطانية حلوة و كوفرتة قطن .. و جهزتلة الشامبو و البودرة و البيبى اويل و الفوط و لسة الفرشة مع انة اكيد هايطلع اقرع هههههه
ثانيا انا لسة مجبتش حاجة لنفسى و مش عارفة هو المفروض اجيب اية ؟؟؟ و كل ما انزل اجيبله هو و انا لا
ثالثا فكرت اجهز التلاجة عندى عشان لما ارجع الاقى الدنيا مظبطة شوية و احاول اعين كام اكلة كدة يساعدونى و طبعا تنضيف الشقة كدة قبل ما امشى و اسيبها برضو جاهزة …
اية تانى يا جماعة ناقصنى و اية المفروض اعملة تانى ؟؟؟؟؟
والدكتورة قالتلى ابدا امشى من 7/10 فاية الى ناقص اشترية لما انزل امشى ؟؟؟؟
و شكرا ليكوا معلش طولت عليكوا .
mrs hesham mrs hesham 424083_2.gif فتكات هايلة Fatakat 424083 القاهرة – مصر
