ازيكم يا بنات
انا كنت كتبت موضوع كنت عايزه مكان اعمل فيه الفرح ولما وصلت للمكان ده قولت لازم اعرف فتوكاتى حبايبى
المكان ده نادى الغابه عند مستشفى هليوبليس فى مصر الجديده
والله المكان رائع الفرح كلف حوالى 12017 جنيه لحوالى 330 فرد وده كان من حوالى 8 شهور يعنى كان فى شهر 4 بس هما قالوا انه بغلى فى الصيف وبيرخص تانى فى الشتا مش متأكده يعنى من القصه دى اوى
بس الاكل تحفه والزفه والفرح فيه فقرات جميله والله كل الناس عجبها اوى لان الفقرات جديده وجميله
اللى بيعمل الفقرات بكار وهى عباره عن انك انتى وعريسك بتغنوا لبعض اغانى بس مس رومانسيه يعنى انا غنيتله بص بقى بتاعة شرين وطبعا ده باختيار الدى جى وهو بيرد وكده لحد يعنى متبقى خناقه وماما ومامته كده برده وفى الاخر بيصالحنا وفيه فقرات تانيه بس اتلغت من عندى عشان هو جه متأخر انك بتقولى اسم واحده بتحبيها وبيقول اسمها باغنيه وعملت فقرة شو نوبى كانت جميله وبجد الفرح كان رائع
والمأذون اللى تبع النادى قمه فى الروعه احلى كتب كتاب الناس شافته وده كلامهم المأذون بيقول شعر للعريس والعروسه وخطبه وكلام رائع كأنه بيحكى الف ليله وليله
بس للامانه الحاجه الوحيده اللى معجبتنيش هناك الفيديو والصور الصور فاقعه اوى والفيديو كان ساعة كتب الكتاب ولا كأنى موجوده طلعت حته صفغيره على الهامش وبعد كده خلاص وبعد البوفيه مصورش الدخله فلو حبيتى تحجزى لازم تأكدى على القصه دى انه يصور كل حلجه والميكسر يكون حلو ويطلع كل حاجه والصور متكونش فاقعه
فيه مكان تانى اللى هو فندق الجلاء فى طريق المطار صلاح سالم الفندق ده اختى عملت فيه الشبكه كان اكتر من رائع كلف حوالى 15000 لحوالى 200 فرد بس زفه فوق الخيال وشياكه فظيعه الزفه كان فيها حوالى 4 فقرات ومش قادره اقولكم الناس انبهرت اد ايه حتى اللى مجاش زعل
على العموم انا تحت امر استفسارتكم بس للاسف انا معنديش صور بس اللى عايزه تسأل اى سؤال تتفضل ومتنسوش التقييم
maro_b maro_b 757341_1.gif فتكات متميزة Fatakat 757341 القاهره – مصر
سبحان الله و بحمده