اخواتي الحبيبات
جيبالكم النهارده نوع من المقبلات ممكن تعتبروه من المقرمشات اسمه بطاطس روفين عمله الشيف محمد فوزي في برنامج من كل بلد اكل تعالوا نجربه سوي
عجينه شو(سيرد ذكرها بالتفصيل)_1 بطاطسيه متوسطه مسلوقه_ملح _فلفل_من 2 الي 3فص ثوم (اختياري)
زيت للتحمير
اولا لعجينه الشو "
كوب دقيق _كوب ماء _12 كوب زبده_ذره ملح
وانا اضفت علي المقادير جبنه رومي مبشوره عشان بحب طعمها (حسب الرغبه)
الطريقه:
اعمل عجينه الشو بالطريقه العاديه وهي كالتالي
في اناء علي النار اضع الماء والملح والزبده اتركه قليلا حتي يغلي
بمجرد ميغلي بضيف الدقيق مره واحده واقلب بسرعه بملعقه خشب حتي تكون معي عجينه متماسكه وارفعها من علي النار (حوالي دقيقتين علي النارمع التقليب حتي تجف ميتها تماما) شيفيين لمت ونشفت ازاي
ثم اضيف البطاطس المسلوقه المهروسه للخليط مع الثوم المفروم ناعم(اختياري)والجبنه الرومي المبشوره
اسيب الخليط يبرد تماما ثم اضيف البيض بيضه بيضه يعني بيضه واخفقه بالمضرب هلاقي العجينه لتفتت وبعدين هتبدا تلم تاني ثم اضيف البيضه الثانيه وهكذا ده شكل العجينه بعد الاضافات جامده عن بلح الشام
اضع الخليط في كيس الحلواني المخصص لبلح الشام واختار الرسمه الي تعجبني علي مقاس اقل من مقاس بلح الشام المعتاد
وده شكله
اجهز جانبي طبق صغير فيه زيت بارد (مثلا 3 معالق)وعلي النار الزيت الغزير الفاتر ا ابلل ايدي بالزيت البارد اللي في الطبق (علشان متلزقش العجينه في ايدي)انزل من كيس الحلواني العجينه علي ايدي واقطعها بالطول اللي احبه ثم انزلها في الزيت واكرر العمليه
زي بلح الشام بس انا حبيت حجمها يبقي صغير علشان شكلها يختلف وممن تختاري بلبله ساده لو تحبي
ملحوظه : اللي معندهوش كيس الحلواني ممكن يحط الخليط في ملعقه ويسحبها بملعقه تانيه ويتبادل السحب بين الملعقتين حتي يستوي شكلها ثم يضعها في الزيت
هنا بدات تنفش في الزيت
بعد نزولها من الزيت بشويه تبدا تلف لوحدها حولين نفسها وده شكلها اول مدخلت في السوي مع التقليب المستمر طبعا
اول مبتطلع تتحط علي ورق نشاف لامتصاص الزيت وتنقل لطبق التقديم وده شكلها النهائي
بالنسبه للي مبيحبوش المقلي والزيت الكتير ممكن عملها علي شكل وردات شبه البرفترول وتدخل الفرن علي ان تدخل علي درجه حراره عاليه الاول حوالي 200 ثم اخفف الحراره بعد 5 دقائق لحوالي 180 ولا يفتح الفرن ابدا الابعد نصف ساعه حتي لا تهبط وممكن ساعاتها تتحشي باجبان حسب رغبتك او تترك للمزمزه والقرمشه
نصيحه: معظم المقرمشات تطري بعد فتره فيفضل اكلها بعد عملها مباشره او بعد فتره وجيزه
وده شكل الطبق مع بقيه اخواته …………. اتفضوا معنا يا حلويين
وده رابط موضوع ………..كفته البطاطس……………..
https://fatakat.univanet.com/#394789
مستنيه رودوكم وتجاربكم واكيييييييييييد تقييمكم
والسلام عليكم ورحمه الله وبركاته واستنوني مع بقيه الطباق
مواضيع هذا القسم برعاية
nourhana nourhana 91707_3.gif سوبر فتكات Fatakat 91707 طنطا – مصر