السلام عليكم ورحمه الله وبركاته ][/b]
أنا جايه النهار ده أتكلم شويه معاكم عن حاجه يمكن يكون فيه بنات و ستات كتير بيعانوا منها يمكن اقدر أفيد حد و ربنا ان شاء الله يجعله في ميزان حسناتي و يشفيني شفاء ليس بعده سقما
اولا أنا هاقول المراحل اللي أنا مريت بيها من اول اكتشافي للمرض لحد دلوقتي و النصائح اللي امكن تفيدكم بيها.اول حاجه. كانت بطنبي بتوجعني أوي أوي من ناحيه القاولون و بعدين رحت لدكتور باطنه ورنا يكرمه قالي اعمل سوار علي البطن و الحوض و بالفعل حجزت و عملت السوار و الدكتور وهو بيعملواهولي قالي ان في كيس او حاجه علي المبيض طبعا أنا انهرت ساعتها و خفت أوي أنا كنت لسه عروسه جديده متجوزه من شهور ورحت للدكتور و قالي ان حجمه كبير و لازم يتشال بفتح بطن و بالفعل شلته و حللت عينه منه و طلع كيس شيوكلاته. Chocolate cyst و قالي الدكتور ان لازم أخد حقن توقف الدورة مع العلم أني لما رحت له بعد كده قال مش هنا خدها و ابتدي معايا رحله التنشيط اللي للأسف لم تنجح :y-cryhardly:
نصايح في المرحله الأولي من بدء اكتشاف مرضك ببطانه الرحم المهاجرة :
1) اولا أعرفي ان المرض ده ابتلاء من ربنا و ان ربنا ان شاء الله هيثيبك عليه و لازم حياتك متقفش بالرغم من متاعب المرض ده من الام مستمره قبل الدورة و في وقتها و اللي بتختلف في حدتها من واحده للتانيه و استعيني علي كده بالصبر و الصلاه و قيام الليل و الاستغفار و الصدقة و كل مالدنيا تضيق قولي يا رب يا رب
2) اختاري دكتور كويس مش لازم يبقي مشهور بس لازم يسمعك دائماً و مركز معكي أوي و لازم لازم لازم للصبح تسألوه علي الحقن للي بتمنع البريود زي ليبرون ا عشان توفري علي نفسك مشاكل كتير أنا دخلت فيها قبل كده هاقول عليها في الجزء التاني من تجربتي بالاضافه الي ان الرض ده عايز متابعه علي طول عشان لا قدر الله لو اتكونت اي أكياس تانيه و ده اللي غالبا بيحصل في معظم الحالات بس لازم لو حصلت أكياس تناقشي ضروري جداً مع الدكتور هل شيلها هيكون جراحي ولا شفط أحسن لأني سمعت ان ان الجراحة بتأثر علي كفاءه المبيض
3) أعرفي مرضك كويس اقري عنه كتير في النيت و المواقع الطبيه متكتفيش بالمواقع العاديه و المنتديات و ياريت لو بتتقني اللغه الإنجليز يه يبقي أحسن لان المواقع الاجنبيه اقوي بكثير من العربيه كمان في كتب بالانجليزي بتتباع في موقع امازونamazon لتشرح كل حاجه عن المرض و إزاري تتعاملي معاه بالذات النظام الغذائي اللي بياثر علي نمو البطانه
4) لازم تسألي دكتورك عن كل حاجه بتفكري فيها او قلقانه منها متتكسفيش دي صحتنا و مافيش أغلي منها لازم نحافظ عليها و خليكي كده مركزه و صاحيه و شاطره اقري عن كل دوا بيتكتب لك او أشعه هتعمليها
5) أعرفي ان في سيدات كتير أوي ربنا أكرمهم و حملوا مع المرض ده بكل سهوله من غير عمليات بس كل واحد و نصيبه الحمل هو صحيح مهم لان الحمل علاج للمرض بس ممكن نحافظ علي صحتنابالعلاج و المتابعة الكويسه بالسونار عند الدكتور
6) اقري دائماً التجارب اللي تدي ليكي امل بلاش تشاؤم
7) خلي دائماً نفسيتك حلوه لان الامراض الجسمانيه بتحسيي باعرضها اكتر لما تكون نفسيتك وحشه نصيحأخا خيره لما بطنك توجعك من البطانه المهاجره ممكن تعملي زي أنا بأحط برطمان مايه سخنه علي بطني ولازم أخد مسكن برامول او بنادول
لو موضوعي مفيد بالنسبة لك ادعوا لي بالذريه الصالحة وأي سؤال ان حت أمركم واستنوني في الجزء التاني بنفس العنوان مع تجربتي في الحقن المجهري
فتوكه من الفتكات فتوكه من الفتكات فتكات نشيطة Fatakat 505130 القاهره – CAIRO