السلام عليكم ورحمة الله وبركاته
الموضوع ده مش كبير ومش حياخد منكم وقت طويل عشان تقرأوه
حياخد دقايق بس مفهيوش رغي كتير واللي عايزه تستفيد حتستفيد واللي عايزه تجرب حتجرب
اليوجا حاجه حلوة اوي كتأمل ورياضه
وقبل ما اقولكم تلاقوها فين بالعربي وبسهولة حقولكم عملت ايه معايا شخصيا
انا كان عندي ضعف في العضلات وده اثر على رقبتي واكتافي وضهري وعملت علاج طبيعي سنه كاملة وكنت اتحسن واسوء
ومن شهرين صحيت بدري من النوم وفتحت التلفزيون على قناة المستقبل لقيت برنامج فيه مدربة يوجا وبتعمل اليوجا قدامنا وبتقول لنا نعمل ايه وكده وعملت معاها كل يوم وبعد كده سجلته من التلفزيون وعملته في اي وقت دلوقتي بقدر اشيل حاجات تقيلة ورقبتي مش بتوجعني ومش بعمل علاج طبيعي ولا فيه اي مشاكل وخسيت كمان 7 كيلو في شهرين وباكل طبيعيي خالص مش عامله ريجيم ولا حاجه
ده مش اعلان عن حاجه انا بس عايزه الفايده تعم
ندخل في المفيد بقى
فيه برنامجين بيجيوا في التلفزيون كل واحد نص ساعه الاول بيجي 6 نص بتوقيت مصر على قناة المستقبل واسمه فن اليوجا تقديم مدربة اليوجا الاشهر غاده غصن وهي موجوده عاليويتيوب واللينك اهه
https://www.youtube.com/results?searc….1.GVxrWaOxk80
والتاني بيجي على قناه زي الوان الساعه 7 ونص الصبح واسمه يوجا فور يو yoga 4 you وبالعربي برضه وفيه كمان نصايح صحية من دكاترة كبار
لو عندك الرسيفير بيسجل ممكن تديله امر يسجلهم وتعمليهم في اي وقت القصه كلها بتاخد نص ساعه او ربع ساعه لو لسه بتبدأي
وساعه الا ربع لو عايزه تبقي قوية بسرعه وبتوفر عليكي وقت طويل من المعاناه
انا عن نفسي بسجل البرنامجين واعملهم ورا بعض
للناس اللي حتعملها فعلا فكروا دايما قبل ما تعملوها وخلوها في دماغكوا
احب الاعمال الي الله ادومها وان قل
شكرا يا ريت اللي يعجبها الموضوع تعلق تقيم او تحسسني بوجودها بس
just4bad just4bad فتكات جديدة Fatakat 669543 الاسكندريه – مصر