السلام عليكم ورحمة الله وبركاته
بصوا بئى انا بصراحة زهقت وبدأت افقد الامل اني ابئى شاطرة في الحلويات ….
ياجماعه مش حرام اديلي خمس سنينين جواز في الغربة ومش عارفة اعمل لجوزي صينية بسبوسة ؟
مع انه بيحبها من ايد اختي خليت اختي بعتتلي الطريقة ع الموبايل لكن برضو كل مرة تطلع وحشة واخرتها جوزي قالي : خلاص ياروحي ابوس ايدك خربتينا في السكر والغاز والمقادير كلها ارحميني هحرم اقولك على حاجه تاني بس ارحميني !
يالهوي كسفني اوي للدرجة دي جوزي بيعاني ؟؟؟
ابوس اديكم ادوني الطريقة بالظبط لاني اتخنقت انا بعملها كالاتي :-
نحط كاس سميد على كاس سكر على معلقة بيكينج بودر على اربع معالق سمن سايح على 3 كوبايات زبادي ونقلبهم كويس وبعدين نحط نصها في صينية وفوقيها قشطه وبعدين النص التاني ونحطها في فرن ساخن
عملتها كده وطلعت مسكرة اوي
غير كده الفرن عندي من تحت بس يعني مفيش شواية فمش بتطلع لونها دهبي غامق لا بتبئى صفرا كده مش اللون الحلو ده اعمل ايه ؟
ربنا يفرج همكم انا مكسوفة منه اوي مواضيع هذا القسم برعاية
فتكات اللهلوبة فتكات اللهلوبة فتكات رائعة Fatakat 242649 حضن جوزى وبنتي – الامارات
