السلام عليكم ورحمه الله وبركاته
اصدقائي حبايبي الفتوكات
انا بجد جالى انهيار و اكتئاب لدرجه انى مش عايزة ارد على حد ابدا وقافله عليا و مقضياها عياط هيستيري
انا من 4 شهور جاتلى الاراده اخيرا وروحت لدكتورة وعملت تحاليل ولاقيت عندى انيميا حادة
المهم اخدت ادويه الانيميا والنظام و نزلت في 10 ايام 5 كيلو وبعدها ب 5 ايام نزلت كيلو كمان
النظام أهو https://fatakat.univanet.com/#3770029
المهم بعد كده قالتلى هنعمل نظام كيميائى برضو ف اللينك ده
روحتلها بعد يومين تعبانه جدا بسبب الانيميا قالتلى بلاش منه و اديتنى دا
قبل الافطار:
معلقه عسل اسود " عشان الانيميا "
الافطار:
2 كوب ماء
زبادى + فاكهه
الغداء:
2 كوب ماء
بولة شوربه كبيرة
طبق سلطه كبيرجداً
شريحه بروتين (لحم – فراخ – سمك) مشوى
العشاء:
2 كوب ماء
بيضه + ربع رغيف
نزلت عليه 1 كيلو فقط في الاسبوع و كررته تانى اسبوع نزلت 1 كيلو برضو
روحت اشتريت شريط فيا اناناس و نزلت عليه 10 كيلو فرحت اوى قولت اكمل بقا من غيره
المهم جيت هنا و قولت اعمل الانظمه من هنا في فتكات و اشترك في كل الجروبات تقريبا
بقيت افطر: بيضه + ربع رغيف + شاى بلبن بمعلقه سكر
اتغدي: بروتين مشوي + 3 ارز او 3 مكرونه
اتعشي: زيادى + تفاحه و ساعات مش باكل التفاحه
ومن يوم 12 مارس لحد 28 مارس وانا ثابته .. انتو متخيلين !
يومها قولت هجيب فيا اناناس تانى
وبقالى 5 ايام باخده وروحت اوزن لاقيتى لسا ثابته
انا خلاااااااااااااااااااااااااااااااااااااااااااااااص حاسه انى هيجرالى حاجه والله العظيم
منى شلبى منى شلبى images/bigsmilies/mood10.gif فتكات متميزة Fatakat 39732 القاهرة – مصر