يا جماعة انا فى الشهر التاسع وكنت ناوية اولد قيصرى ومعادى كان بعد اسبوع
لكن فى ناس قالولى بلاش قيصرى واصبرى شوية لحد ما تولدى طبيعى
انا والدة قبل كدة قيصرى من 3 سنين وكان بمزاجى يعنى مكنش فى حاجة تمنعنى من الولادة الطبيعى بس قرايبى خوفونى وقالولى القيصرى ارحم لان وجع الطلق بيكون رهيب ده غير انهم بيقصو المهبل ساعة خروج الراس وممكن يتقص ويتخيط على الحياة وبتتمنى الموت من العذاب وقتها وبتبقى روحك هتطلع بسراحة انا سمعت الكلام ده وقولت والله ما اولد غير قيصرى لو حتى حصل ايه ولما ولدت قيصرى اول ما فوت من البنج حسيت بألم وعذاب فوق الوصف وفضلت فترة كبيرة تعبانة جدا
والمرادى بعد ما قولت خلاص هولد قيصرى زى المرة الفاتت وامرى لله واصلا كدة كدة الايام دى مفيش دكتورة بتصبر على الوحدة وكلهم بيستسهلو القيصرى ده غير ان فلوسها بتكون ضعف الطبيعى
بس فى ناس رجعو حيرونى تانى وقلولى الطبيعى احسن ووجع ساعة ولا كل ساعة
بجد احترت ومش عرفة اعمل ايه وخصوصا انى اعتبر بكرية والمهبل عندى ديق بشكل غير طبيعى
لدرجة سورى يعنى وقت العلاقة مع جوزى بتوجع جدا وبتكون بصعوبة واوقات كتير بستعمل جيل لسهول العلاقة
وخصوصا ان جوزى بقالو شهور مسافر ومش هيرجع غير على وقت الولادة فهمنى طبعا
ومش عرفة بوضعى ده انه افضل الولادة الطبيعى ولا القيصرى
مع الاسف انا مش عرفة اخد رأى حد بثقة لان مامتى متوفية الله يرحمها ومعنديش اخوات بنات
فقولت مفيش غيركم الهينصحنى بأمانة
@ om adam @ @ om adam @ images/avatars/whiteflower.jpg سوبر فتكات Fatakat 1035724 مصر – اسكندرية
سبحان الله و بحمده