ياجماعه انا بتكلم عن التخااااااااااااااااان
ياااااه اد ايه بكره الكلمه دى بس مضطره استخدمها
مش اللى عايزه تظبط جسمها
ولا اللى المثالى بتاعها فاضل عليه 2 كيلو وحيجننوها
انا مش بقلل من حد
بس احنا ماساتنا كبيره
مش حيحس بيها غير اللى زينا
عارفه لما تكتشفى ان زمايلك مسمينك فلانه التخينه عشان يعرفو واحده تانيه نفس اسمك بس رفيعه
عارفه لما بتدخلى محل الملابس ماتبصيش على اللى عاجبك لا انتى بتدورى على المقاسات الكبيييييييييييره الاول وبعدين تنقى منها
عارفه لما دايما اللى حواليكى يعتبرو انك بتاكلى كتير وكانك ديناصور مثلا فى حين ان ممكن واحده ربع وزنك بتاكل ادك 4 مرات
عارفه لما يعتبروها خفه دم وظرف لما يتريقو على وزنك واكلك وشربك وكل حاجه تخصك
لو انتى عارفه كل ده تبقى حتحسى بماساه اللى فوق الميه او حتى متجهه بخطوات ثابته ناحيه ال100 كيلو
ويبقى تعالى نشجع بعض عشان نغير اللى احنا فيه
انا بدات فعلا بس محتاجه اخوات فى نفس ظروفى نحس ببعض ونشارك بعض وحنقلكم تجربتى بكل امانه
يلا مستنياكم
انا غاده وحاليا 103 كيلو و600 جرام
DodyOmRody DodyOmRody 433735_14.gif فتكات ست الكل Fatakat 433735 الاسكندريه – مصر