ازيكو يا أحلى فتوكات
يارب تكونو كلكو بخير
كثير اوي من الستات بيعانو من مشكلة محرجة جداً وهي مشكلة خروج هوا من المهبل .. أحياناً الست بتحس بخروج فقاعات وأحياناً بيبقى هوا .. وأحياناً بيخرج الهوا مع صوت..
أحياناً بيبقى خروج الصوت ده أثناء الجماع وخاصة في وضع معين (أكيد انتو عارفينو )..
وأحياناً بيبقى خروج الصوت ده في كل وقت وده من أسوأ الحالات..
طبعاً الدكاترة لما بنروحلوهم بيقولنا إن الحاجة دي طبيعية بسبب توسع المهبل بعد الولادة وان الهواء بيدخل أثناء الجماع .. بيدخل أثناء الايلاج.. ومجرد ما يطلع الراجل العضو بيخرج معاه الهوا
انا اسفة اني بتكلم بصراحة والله اني مكسوفة بس عاوزة افيدكم
ده بقى كلام الدكاترة .. بس طبعاً الكلام ده غلط (مع احترامي للدكاترة) الا ان كلامهم ده غلط لأن المشكلة دي فيه بنات لسه مش متجوزات بتحصل عندهم.. يعني مالهاش علاقة بالولادة واتساع المهبل والايلاج..
طب المشكلة دي سبيها اييييييييييييييه؟؟؟؟
اقولكو……….
المشكلة دي سببها ان الست دخلها هوا في رحمها اثناء النفاس لإنها ما اهتمتش بنفسها كويس..
ازاي بتقولي ان المشكلة ليها علاقة بالنفاس وكمان بتقولي ان فيه بنات لسه ماتجوزوش بتجيلهم المشكلة دي؟؟؟؟؟؟؟؟؟؟؟
معاكو حق؟؟ البنت بقى بتجيها المشكلة دي لإنها برضو دخلها هوا للرحم .. بس دخلها وقت الدورة (البريود)..
طب ازاي الوحدة بيدخلها الهوا ده؟؟
الهوا بيدخل للست في وقت نفاسها لإنها ما اهتمتش بنفسها كويس .. لانها ما كانتش بتلبس كويس يعني مش متدفية كويس ..
ولانها كانت بتقعد مقابلة التكييف فبيدخلها هوا من تحت.. ولانها بتطول قعدتها في الحمام (أكرمكم الله) لما بتقضي حاجتها فبيدخلها هوا..
الست بعد الولادة بيكون مهبلها لسه مفتوح والرحم نازل فبيبقى سهل أوي ان الهوا يدخلها لو اهملت نفسها..
ايوه والله بتكلم بجد.. جداتنا زمان كانو بيخلفو 7 8 9 وحتى 10 عيال بس ماكانتش معاهم المشكلة دي
جداتنا كانو بيهتموا بنفسهم كانو بيلبسوا كويس ويتدفوا كويس خاصة من تحت كانو بيلبسوا بنطلونات تحت لبسهم .. كانو بيشربوا حاجات سخنة وكانو بيتبخروا من تحت..وماكانوش بيجوعوا..
بس للأسف ستات دلوقتي مش بيعرفو .. تلاقي الست وهي نافس بتشرب حاجات صقعة وبتلبس قصير وبتقعد قدام التكييف ولا على بالها..وبتفضل طول الصبح نايمة من غير اكل لغاية الظهر فبيدخلها الهوا
طب انتي طولتي علينا.. هاتي من الاخر
اوك.. طبعاً المشكلة دي ليها بإذن الله حل وأفضل وفت لعلاجها هو وقت نفاس..
بس لو الوحدة لسه مش حامل يبقى تعمل العلاج ده وقت البريود.. بتاخد وقت اكثر من لو اتعملت وقت النفاس .. في البريود بتتعمل مع كل بريود ومع الوقت بتبقى تخف الست وتقل عندها المشكلة..
نجيب من الأخر احسن انا عارفة انكو مليتو..
الوصفة هي…
نجيب كميات متساوية من
قشر القهوة
كمون
ينسون
حلبة
قرفة
ونغليهم في مية ونشرب منهم كل يوم.
فيه كمان طريقة البخور من تحت بس فيه ستات كثير بتخاف من انها تتبخر من تحت.. عشان كده جبتلكو الوصفة دي
أنا أسفة اني طولت عليكم .. ثرثارة اعمل ايه؟؟
بس خلاص .. اخر حاجة اسمحولي اقولكو اني بحبكم في الله وبدعي ربنا يسعدكم في حياتكم الزوجية ويريح بالكم يارب
مامة دودي مامة دودي images/avatars/dice.gif فتكات هايلة Fatakat 167699 طرابلس – ليبيا