السلام عليكم
انا رحت الموسكى النهاردة عشان اجيب منديل كتب الكتاب
و رحت محل برج باريس ف 14 شارع الموسكى
و دة بناء على نصيحة فتوكة عملت زمان موضوع هايل عن المنديل
و اكسسوارات العروسة و الفستان و الكوافير و كدة جزاها الله خيرا
و دة موضوعها
https://forums.fatakat.com/showthread…1#post52531646
منديل كتب الكتاب هناك ب 10 جنية و بيبقى مطرز علية اية قرآنية
و جملة لا اله الا الله محمد رسول الله
بس انا كنت عايزة اطرز علية اسمى و اسم العريس و التاريخ بتاع كتب الكتاب
قعدت اسأل هناك على حد يطرز ملقتش ابدا.. يمكن فية هناك
بس على حظى مكنش موجود او حاجة
……………….
تانى حاجة مهمة جدا كانت موجودة فى الموسكى
و هى محلات الجملة اللى هناك اللى بتبيع كل حاجة خاصة بالمكياج
من اى شادو و باودر و كحل و فرش مكياج و ادوات مكياج و حمامات كريم
و زيوت و برفانات و صابون
يعنى كل حاجة خاصة بالعناية بالجسم و البشرة و المكياج موجودة هناك
بجد يا بنات فية هناك بتاع 20 محل جملة بيبع كل حاجة خاصة باالى انا قلتة دة
اسعارهم بجد رخيصة اوى مقارنة باللى برة و ممكن تفاصلى كمان
يعنى مثلا عارفين ملح اليوكو؟؟
انا بستعمل منة اللون الموف اللى بيبقى بريحة اللافندر
و دة مش منتشر اوى زى اللى بالحليب او التانى اللى لونة روز
و موجود اللى بالافندر دة فى اولاد رجب ب 13.50
و النوعين التانيين ب 12 جنية عشان نوع اللافندر دة مش بيبقى موجود دايما بعكس التانيين
عارفين بقى لقيتة فى الموسكى بكام؟؟
مش هتصدقوا..
ب 6 جنية يعنى اولاد رجب بتبيعة بأكتر من الضعف
و انا اللى ياما اشتريت من اولاد رجب
و ان كان فية ناس ممكن متحبش تجيب المكياج من هناك لانة مش اصلى
او عشان تاريخ الصلاحية او لاى سبب ففية حاجات هناك تانية غير المكياج
زى ملح اليوكو و تناية الرموش الحديد و دية بالذات انا كنت قالبة عليها الدنيا
تدوير و برفانات و كريمات
والله روحوا هناك و مش هتندموا
يا رب اكون قدرت افيد عروسة من عروسات القسم
[/right]
مدام راغب مدام راغب 538876_1.gif فتكات ست الكل Fatakat 538876 كل المدن – مصر