السلام عليكم ورحمة الله وبركاته
انا كنت كاتبه الموضوع ده عشان كلنا نفيد بعض يعنى كل وحده كانت حامل او عدت شهور الوحم تدخل تفيدنا بتجربتها وازاى اتغلبت على الصعاب الى مرت بها خلال الحمل يعنى مثلاً نفسيتها كانت عامله ازاى العصبيه فى الحمل بتاثر عليها وعلى البيبى والوحم عاملت ايه عشان الوحم وقرفه ده احنا غبه اوى وياريت فى رحمه
انا لسه فى الشهر التانى فى اخره ادعولى ربنا يكملى على خير بس انا اول معرفت انى حامل عرفت من العصبيه وخلقى بقه ضيق اوى اتفه اسباب بتخلنى اثور زى المجنونه حليت المشكله ده بحل مؤقت انى مبقتش اروح لحد عشان متدخلش فى مناقشات وتنتهى بخساير فى الاخر وبقرأ قران كتير
فاضل الوحم بقه مافيش حاجة نافعه مع الترجيع والقرفة كل الوصفات عملتها هو بصراحة الدكتور كتبلى على دوا للترجيع بس مش ريت اخده قلقت قلت استحمل شويه بس اكل بقه يعنى لما اكل حاجات حمضويه زى اليمون والبرتقال والخوخ ارجع فى بقه اكل الى جاب معايا نتيجه كويسه
شوربة الخضار بالميه من غير دسم
الرز بالبن والبسكويت بس كده اى فاكهه اى اكل تانى برجع منه ولما باكل بفضل شويه قاعده متحركش عشان ادى فرصة للاكل ينزل المعده بس دول الى لقتلهم حل الوخم بقه والدوخة مش لقيلها حل
يلا جماعة تعالوا نفيد بعض فى الله والى عندها فكرة تقولها والى عندها نصيحة تقولها برده لعله فى ميزان حسناتنا
ربنا يرزق كل مشتاقة يارب بالذرية الصالحة عاجلاً غير اجلاً
ويكمل لكل حامل حملها على خير ويقومهم بالف سلامه ويرزقهم باطفال اصحاء يارحم الرحمين
nda_remo nda_remo 172360_3.gif فتكات هايلة Fatakat 172360 الاسكندرية – مصر