السلام عليكم يافتوكات والله انى احبكم فى الله واستفدت منكوكتير اوى وانهاردة موضوعى مش تجربة او وصفة لا دة ياريت يكون تغير لنظام حياتنا وعادتنا الغذائية الغلط
انا كلامى انهاردة موجهة للبنات والسيدات اللى بتشتغل وبتقضى معظم وقتها خارج البيت وطبعا بتتضر تاكل من برة طول النهار وما ادراك وما اكل التيك اواى
انا ياجماعة ببقى برة البيت من الساعة 8 للساعة 5 تقريبا وطبعا كنت مقضياها طول النهار اكل من برة اشى ساندويتشات بقى على بيتزا وطبعا البيبسى دة لوحدة كااااارثة وبسكوتات وشوكولاتة لان فترة الشغل طويلة ودايما بحب اجدد نشاطى بالاكل والسكريات مع الوقت ياجماعة لاحظت وزنى بيزيد بشكل رهيب خصوصا مع دخول الشتاء ولاحظت كمان ان شعرى بيتساقط اوووووى وبشرتى اتغيرت ونفسيتى تعبت جدااا
وقررت انى اتغير مش انى اعمل دايت لا انا هغير نظام حياتى كلو وحبيت اشارككم معايا لعلنا نساعد بعض ونتغير وعملت كذا خطوة كدة حابة انكو تعرفوها
اولا / منعت نهائى الاكل من برة والتيك اواى والكلام الفاضى دة وبقيت اخد معايا ساندوتشات واانا راحة الشغل من البيت متستغربوش مش عيب على الاقل حاجة نضيفة وضمونة وعارفين مصدرها وفى عيش بلدى مش فينو بقة وشامى والحاجات اللى بتجوع اصلا دى
ثانيا/ وقفت جميع الحلويات والشيبسى بقى والدوريتوس والصن بايتس وكل دة وعارفين استبدلتة باية بكيس حلو كدة مليان جزر مقطع وخيار وفلفل او لو عندك فاكهة وكل ما اجوع اطلع الكيس واديها خضروات وساعات بجيب بقسماط سن دة جميل وبيدينى نفس احساس البيك رولز والمقرمشات دى
ثالثا ممنووووووع البيبسى خااالص لانة بجد بيودى فى داهيا وبيجيب هشاشة فى العظام وانا استبدلتة بعصير فريش كدة او باكو على كافية بيظبط الدماغ ع الاخر
رابعا المية ثم المية ثم المية لان كتير مننا بينسى شرب المية فى الشتا ودة وحش جدا وبيبهدل شعرنا وبشرتنا على المدى البعيد املى زجاجة وخليها جنبك عشان تفتكرى تشربى حتى لو مش عطشانة
خامسا / الشااااااى الاخضر وطبعا فوايدة ممتازة فى حرق السعرات واعملى سيرش وشوفى الفوائد التى لاتعد ولاتحصى
سادسا/ علبة فيتامين فيتازنك مش هتكلفك5 جنية وهتكفيكى شهر خدى كل يوم واحدة بعد الاكل ودة لشعرك وبشرتك
سابعا/عندك بقى يوم الجمعة اعملى فية اللى انتى عاوزاه وكلى اللى نفسك فية عشان متحرميش نفسك وتحسى بالزهق بس اهم حاجة طول الاسبوع تلتزمى بالنظام دة وهو مش دايت دة تعديل سلوك
والله ياجماعة انا ماشية علية والحمدلله وزنى بدا يقل وشعرى بفضل الله مبقاش يتساقط وبقيت احسن بدل الخمول اللى احنا فية من الاكل بتاع برة اللى مش عارفين اصلة وفصلة ايييييية
ياريت يافتوكات تجربوا وتقيموا ومتنسوش تدعولى اسفة طولت عليكو
بغض النظر بغض النظر 769247_1.gif فتكات رائعة Fatakat 769247 الجيزة – مصر