ا السلام عليكم
انا جديده هنا وده اول موضوع ياريت حد يساعدني
انا شفت خالي بيموت قدام عيني .خالي اللي مالناش غيره .علاقتنا بيه انا واخواتي مكنتش علاقه خال بس ديه اكتر من كده .مش هنقدر ننسي كلامه معانا وفسحه لينا حتي لما كنا بنحتاج فلوس او مش محتاجين كان بيدينا .كان لينا زي الأب
مشكله خالي انه كان متجوز وطلق من كام سنه وهو مش معاه عيال . جاله اكتئاب وخصوصا بعد ما طلع معاش هو كان عميد في القوات المسلحه اول ما حس ان كل حاجه راحت منه حتي شغله اللي كان برستيج عالي جداا .ساب الناس والدنيا كلها وخد شقه لوحده وماكنش بيتصل كتير ,, اتغير خالص وساب الناس كلها مع اته زمان كان ليه علاقات اجتماعيه كويسه مع ناس كتير
ومن كام يوم جالنا .قال عشان مش عاوز يموت لوحده . كان عيان جداا وشكله متغير وعلطول متألم واحنا مش عارفين فيه ايه وكل ما ماما تقوله نروح مستشفي كان بيرفض علطول ويقولها ان احنا مش عاوزينه كمان هو دايما كان عنده حساسيه من قعاده عندنا وكنا كل ما نتخانق انا واخواتي زي ما احنا متعودين دايما كان بيفتكر الموضوع عليه وعاوز يمشي كان صعبان علينا جداا مش متخيلين ان ده خالي بتاع زمان اللي مكانش بيبطل كلام وتريقه علينا دلوقتي هو خايف من اي رد فعل من اي حد ضده مع اننا كلنا كنا معاه .. لغايه ما في يوم بالليل صرخ جامد ماما وبابا كانوا نايمين . كان بيقول كلام غريب وبيكلم ناس ويمد ايديه لينا ويقول خدوا ومافيش حاجه ز صحينا ماما وبابا وكان ابتدي يدخل في غيبوبه احنا اتاخرنا عليه مش عارفه ؟؟ احنا كنا فاكرين ده هلوسه من قله النوم لدرجه اني كنت بضحك والله ما كنت اعرف انه بيموت حاسه بالذمب جدا وخايفه لأكون اتأخرت في اي حاجه او قصرنا كلنا معاه . وديناه المستشفي ومات هناك حتي الدكاتره هناك معرفوش سبب الوفاه الحقيقي .وخرجوه من غير تشريح او حاجه عشان وظيفته . يا جماعه انا حاسه بالذمب وماما مش بتنام محدش فينا بينام ولا بياكل كلنا فاكرينه ومحدش قادر ينساه . انا خايفه ربنا يعاقبنا كلنا بس والله هو ماكانش راضي بمستشفي ولا دكتور ياريت تساعدوني انا حاسه اني بموت وخايفه علي ماما احنا مالناش غيرها
ss hanen ss hanen فتكات جديدة Fatakat 1233435 القاهره – مصر
سبحان الله و بحمده