ازيكم يا فتووكات عاملين ايه وايه اخباركم
كل يوم بيجى الصبح نقووووووول هاااااااااااا يا ترى هنطبخ ايه انهارده
طيب انتى عندك ايه فى التلاجه حاولى تشوفى مثلا الخضار الطازه اللى انتى جيباه
ده لازم يكون الاول يعنى تخلصى تطبخيه الاول طبعا لانه بيبقى له وقت معين فى التلاجه
وبعد كده ممكن يبوظ فانتى تبداى بالحاجات الطازه مثلا زى الكوسه فاصوليا باميه قلقاس
اى حاجه بتجبيها طازه مش مجمد او ممكن الحاجات اللى هتتبقى عندك ومش عاوزها تبوط عشان تقدرى تطبخيها يوم تانى وهى حلوه
انك تفرزيها زى القلقاس واى خضار ماعدا الكوسه مش ببتخزن
ممكن الكوسه لو اتاخرت عندك شويه وعندك حاجه تانيه مثلا طبختيها تقشريها وتقوريها وتعمليها محشى وبعد يومين تسويها مش هيجرالها حاجه
وممكن انك تعملى يوم مثلا تخصصى فيه انك تجهزى طبخات للاسبوع كله تتفرز وتبقى جاهزه على التسويه ودى حاجه هتساعدك اوى فى الطبيخ وفى ترتيباتك بس ده لو عندك مكان فى الفريزر او عندك ديب او تحطى حسب المكان اللى عندك
هقولك مثال انا كنت عملته قبل كده
جهزت صنيه مكرونه بشاميل
طاجن تورلى باللحمه
كسكسى جاهز عالطبيخ ومعاه فراخ محمره مثلا
صنيه جلااش باللحمه
فرخه متبله وجاهزه على الشوى فالفرن
صنيه بطاطس باللحمه نص سوا وتطلع على التسويه
فى ناس بتحب تعمل اكلها كل يوم تفكر هتعمل كذا
ولو اتبقى منه يكمل بكره وبعد بكره تفكر هتعمل ايه تانى وكده
وفى ناس بتعمل منيو اسبوعى كده للاكل بتبقى عارفه االاسبوع كله ده هعمل اكل كذا وكذا
موضوعنا ده بقى لكل المغتربات كل واحده هتقول هى بتعمل ايه وده طبعا هيفيدنا كلنا
اللى محدده منيو اسبوعى لها تقولنا عليه برضو 
وكل يوم كلنا هنيجى فى الموضوع ده ونقول هنطبخ ايه انهارده
واللى محتاره ومش عارفه تطبخ ايه هتستفاد برضو من اللى كتبو
ويبقى كلنا ناخد ثواب فى بعضينا ونشارك بعض مستنيييياااااااااكم ان شاء الله
مواضيع هذا القسم برعاية
حبيبه مادو حبيبه مادو 123718_9.gif سوبر فتكات Fatakat 123718 الرياض – السعوديه