السلام عليكم ورحمة الله وبركاته
بسم الله الرحمن الرحيم
ازيكم يا فتوكاتي يا قماميرررانا النهارده عملت ممبار وربنا يستر
ومن غير رغي كتير ندخل ف الموضوع ع طول ونبدأ بسم الله
اول حاجه واهم حاجه ف الممبار المكان اللي حتشتريه منه يعني لازم يبقي جزار نضيف طبعا المهم اول حاجه تنضيف الممبار انا عارفه انها حاجه صعبه شويه وناس كتير بتقرف منه بس والله كله يهون قدام طعمه الجباااااااااار
اول حاجه بعد تنضيفه كويس جداااا بالمايه من بره ومن جوه ونتأكد ان نضف كويس بننقعه ف المايه والخل والليمون وملح وواضح ف الصورهونسيبه ف المايه حوالي ساعه ماشي
نيجي بقي للخلطه او الحشو يعني انا بعملها نفس خلطة المحشي العادي اول حاجه التسبيكه انا صحيح معرفش معناها ايه بس ماما كانت بتقولها كده المهم هي مكونتها معروفه وباينه ف الصوره
زي مشفتو ف الصوره انا بحب احطلها توم وفلفل حار بتبقي تحفففه وزودلها صلصه علشان تحمر كده وتبقي 100 100
وبعد متتسبك نضلها باقي المكونات نغسل كوب ارز او ع حسب كمية الممبار اللي عندك طبعا
وخضار مشكل (كزبره وبقدونس وشبت ونعناع اخضر بيعطي ريحه رائعه وطعم طبعا) وتوابلك بقي (بهارات مشكله انا بجبها كده من عند العطاروفلفل اسود وكمون مطحون وشوية زعتر وملح طبعا)
وانا موضحه بالصوره
ودي كمان صوره للحشو
نرجع بقي تاني للممبار اللي احنا نقعناه ف المايه نغسله كويس تاني من الخل والملح والليمون غسله حلوه كده ونصفيه من المايه
وده شكله قبل الحشو وهو نضيف جدا وباين بالصوره
ونبدأ نحشي هو حشوه مش صعب والله ف الاول بس وانا والله معرفتش اصور نفسي وانا بحشيه معلش بقي بس جبتلكو صورته بعد محشيته
وبعد كده نسلقه نغلي مايه ومنزلوش ف المايه غير لما تغلي اوووي علشان اول مينزل يقفل ع طول ميفضيش الحشو منه
وبعد كده نوطي عليه علشان ميتهريش من بره وف نفس الوقت يكون مستوي من جوه وده شكله بعد متسلق
ونيجي لأخر مرحله وهي التحمير نحمره ف زيت غزيررر ودي صورته
ودي اخر صوره وبالهنا والشفااااا يا قمراااات
ومقولكوش بقي ع طعمه اتنسف واصحاب زوجي اتهبلو عليه
يلا بقي يا قمرااااات عايزه تقييييم حلو بقي
علشااان تشجعوني اعمل اكلات تانيه
ويارب وصفتي تكون عجبتكم
ف رعاية الله مواضيع هذا القسم برعاية
om 7amodyy om 7amodyy 841639_5.gif فتكات نشيطة Fatakat 841639 مكه المكرمه – السعوديه
سبحان الله و بحمده