[center][b][i][color="#CB3398"][size="5"][font="Arial Narrow"]
ازيكم يا فتوكات
عاملين ايه ان شاء الله تكونوا بخير
غدانا يوم الجمعه اللى فات كان
مكرونه بالبشاميل والتونه
شفتها فى كتاب وطبقتها وطلعت تحفه وعملت معاها
كفتة بطاطس
اول حاجه المكرونه بالتونه والبشاميل
كيس مكرونه مسلوقه بالطريقه المعتاده الى كلنا عارفينها ومتصفيه
عملتها مره بالصغيره كانت احسن من المكرونه القلم وده شكلها من على النت الصوره دى
بشاميل
بعمله على البارد بيكون اسهل واخف
بحط الدقيق على اللبن الحليب وادوبه زى النشا كده واحطه على النار واقلب بالمضرب السلك عشان مش يكلكع ولما يتقل البشاميل اشيله من على النار واحط معلقة زبده او اتنين حسب الرغبه وملح وفلفل اسمر ومش بحط بيض
وبعاير لكل كوباية من بتاعة الشاى بس مش المج بعايرها لبن ولكل كوبايه معلقتين دقيق كبار بس مش مليانين اوى
وساعات بعمله باللبن البودره زى ما عملته فى الطريقه هنا حطيت لكل كوباية ميه معلقتين دقيق كبار مش مليانين ومعلقتين كبار لبن بودره مليانين
علبتين تونه
او علبه ونص او علبه حتى لو الصينيه الصغيره حسب الامكانيات يعنى وممكن تكترى البصل
بصل مبشور
توم مبشور
طماطمايه مبشوره
ملح وبهارات انا حطيت فلفل اسمر وكمون وكزبره مطحونين ورشة قرفه ورشة زنجبيل
الطريقه
حطيت البصل المبشور ينشف ميته على النار وسبته يصفر لونه وبعدين التوم وبعدين حطيت العلبه ونص تونه علي البصل من غير ما اصفيها طبعا وحطيت معلقة خل صغيره وقلبت وسبتها لحد ما تنشف خالص وبعدين بشرت الطماطمايه عليها لحد ما تنشف تانى
وشيلته من على النار وحطيت الملح والبهارات
ودى الصور
هنا حطيت التوم المبشور وشوحته شويه مع البصل
وهنا حطيت التونه وعليها معلقة الخل الصغيره
لما نشفت خالص حطيت الطماطمايه المبشوره
وسبتها تنشف تانى وحطيت الملح والبهارات
طبعا المكرونه جاهزه ومسلوقه ومتصفيه
والبشاميل جاهز
هجيب الصينيه
واحط فيها شوية بشاميل
واحط معلقتين بشاميل على المكرونه كمان وحطيتها فى الصينيه
واحط المكرونه فى الصينيه كلها وفوقيها التونه وانا هنا قطعت قرن فلفل احمر حامى بس ده حسب الرغبه
وبعدين اخر حاجه البشاميل
وحطيتها فى الفرن وولعته من فوق ومن تحت بس من فوق وطيت النار
وسبتها تستوى وهنا بعد التقطيع
هكمل كُفتة البطاطس المشاركه الجايه ان شاء الله مواضيع هذا القسم برعاية
الاميره ام يوسف نور عيونى الاميره ام يوسف نور عيونى images/avatars/landscape.jpg سوبر فتكات Fatakat 571455 مصر حبيبتى الله يحفظها ويحميهامن كل شر – مع زوجى وولادى ربنا يحفظهم ويحميهم