ازيكم يا احلى واحب صحبة فى احلى مدونة
وحشتووووووووووونى قوى قوى
وبقالى فترة منزلتش وصفة من مطبخى
ووصفتى النهاردة المكرونة البشاميل
فى قوالب الفويل ممتااااااااااازة وحلوة قوى قوى
فى الشكل وعلى قد الفرد ودى احلى حاجة فيها
اتمنى انها تعجبكم وان عجبتكم متحرمونيش من الرد والتقييم
المقادير
2/1 كيلو لحمة مفرومة
2/1كيلو مكرونة قلم
خلطة بشاميل الطريقة المعتمدة بتاعتك
او كيس بشاميل الجاهز+كيلو اللبن
جبنة رومى مقطعة رفيع
وطبعا قوالب الفويل انا استعملت 6 قوالب
دى خلطة البشاميل وبنعملها بخلط كيس البشاميل الجاهز مع كيلو اللبن
ورشة فلفل وملح
او طريقتك المعتمدة
ودى المكرونة القلم بعد ما سلقناها
اللحمة المفرومة
بنعصجها نبشر بصلة كبيرة ونحمرها فى الزيت ونحط عليها المفروم ومبشور طمطماية
ونتبلها بالملح والفلفل والكمون
الجبنة الرومى بعد ما بشرناها
ودى القوالب اللى استعملتها واستعملت 6 قوالب
نخلط المكرونةبنصف البشاميل ونسيب النصف التانى للوش
ندهن القوالب بالزيت خفيف ونحط كمية من المكرونة لنصف القالب
ونحط فوق منها اللحمة المفرومة كمية مناسبة
ونحط باقى المكرونة وباقى البشاميل ع الوش
ونرش الوش بالجبنة الرومى وندخلها الفرن
ملحوظة يا فتوكات انا محطيتش القوالب ع الشبكة مباشرة
لا حطيتها فى قلب صينية فرن
وكمان يا فتوكات انا ولعت الفرن الاول يسخن ودخلت القوالب شوية فى الفرن وبعدين شغلت الشواية
ودى اول ما خرجت من الفرن وهى فى الصينية
ها اية رائيكم
فكرة جديد ومحبوبة وعجبت اولادى وزوجى قوى
وطلبوا اعملها بالطريقة دى على طول
وكان يادوب كل قالب على قد الفرد ومناسب جدا وشكلة حلو
النصف مكرونة عملى 6 قوالب
واحلى حاجة بقى انها قرمشت شوية من تحت وكانت فى منتهى الجمال
وطعمها كان مقرمش وحلو قوى
واللى ميحبهاش كدة ميسبهاش فى الفرن وقت طويل 10 دقايق وتشغلوا الشواية على طول
ودى لما قلبناها جوزى قلبها فى طبق
وكان شكلها يفتح النفس بجد
وزنبتة جمب الطبق لما اصورة
هههههههه اة والله
اتمنى الفكرة تعجبكم ولو عجبتكم
متنسوش الرد والتقييم ان شاء الله
مواضيع هذا القسم برعاية
**شهد كلمات الرحمن** **شهد كلمات الرحمن** 175060_38.gif فتكات غالية قوي Fatakat 175060 العاشر – القاهرة