أليكم يا هوانم الطريقة المظبوطة جدا للمكرونة بالبشاميل
اتفضلى
1/2 ك اللحمة المفرومة تعصجيها يعنى بصل مبشور تشوحيه فى سمنة ومعاه قرن فلفل أخضر وبعدين تحطى اللحمة فوقهم وتقلبى على نار عالية شوية وتضيفى عليهم الملح والفلفل الأسود وشوية بهار وتقلبيىهم وممكن تضيفى ملعقة صلصة وممكن لأ
وبعدين توطى النار عليهم لحد ماتستوى
تسلقى المكرونة القلم وتصفيها بس ما تغسليهاش بالميه صفيها بس … أوكى .؟
نيجى بأى للراس الكبيرة (البشاميل)
2 ملعقة كبيرة سمنة – 4 ملاعق كبيرة دقيق
تسيحى السمنة على النار وبعدين تضيفى الدقيق رشة رشة
لحد ما يصفر
هاتحتاجى كوب و نصف لبن وكوب ونصف شوربة (ممكن تكون عندك والأفضل وعن تجربة تجيبى مكعب ونصف مرقة دجاج فاين فودز وتفككيهم فى كوب ونصف ماء وتغليهم على النار)
تضيفى اللبن والشوربه على الدقيق وتقلبى بمضرب سلك وبسرعه علشان ما يكلكعش ولو حصل تاخدى الخليط وتضربيه فى الخلاط هاتلاقيه بأى كويس خالص وترجعيه تانى على النار لحد ما يبقى قوامه متماسك نوعا مش تخين ومش خفيف
خليكى واعيه
بعد ما ترفعى البشاميل من على النار تسيبيه يبرد 5 دقايق وبعدين تفقشى عليه بيضتين وتقلبى تانى لحد ما يتماسك تانى
تجيبى صينية الفرن وتدهنيها بشاميل
تقسمى البشاميل على 3
1/3 تقلبيه على نصف المكرونة وتحطيه فى الصينية
تضيفى الحمة المعصجة كلها وتفرديها فوق المكرونة
تقلبى نصف المكرونة التانى مع 1/3 البشاميل التانى وتحطيها على اللحمة وتساويها كويس
آخر حاجة تضيفى آخر 1/3 من البشاميل فوق المكرونة وتضربى بره بيضة بشوية فلفل أسود وتفرديها على وش الصينية وترشى عليه جبنة رومى مبشورة
وتدخليها فرن ساخن على الشبكة لحد ما يحمر الوجه وبألف هنا مواضيع هذا القسم برعاية
hala_alashkar79 hala_alashkar79 44954_1.gif فتكات متميزة Fatakat 44954 alexandria – egypt