إزيكم يا بنااااات
معلش أنا طفسة شوية و باعشق حاجة إسمها مكرونة بالبشاميل لدرجة كل لما نسافر نصيف لازم أدخل مطعم و أعمل أوردر بواحد مكرونة بالبشاميل و صلحه .. خرطتين كده ع الماشى
المهم أنا متابعة المكرونة بالبشاميل جدا مع إنى لسه ما بعرفش أطبخ بس تخصص بشاميل برضو مفيش حاجة يعنى زى أختكم
مرة بقا كنت فى بورسعيد و يا لهوى ع اللى حصل … عملت أوردر المكرونة المتين لاقيت الراجل جايب لى جمب المكرونة طبق تانى كده فيه حاجة صفراء .. قولت لما أجرب أو أسأله الأول .. إحم إحم إيه ده لو سمحت .. قاللى دى جبنة رومى مبشورة عشان المكرونة .. مش عايزة أوصف لكم بقا طعمها مع المكرونة كان لذيذ أد إيييييييييه و أنا عمالة أضرب بقا من المكرونة و من الجبنة
لازم يا بنات تجربوها .. دى بتبقى زى السلطة كده جمب الأكل .. جبنة رومى ناعمة مبشورة عاملة زى البودرة كده بتعمليها بنفسك عادى جدا بس مش عارفة طحنها إزاى بصراحة و ترشى منها ع المكرونة و تدعى لى كل لما ترشى رشة هههههههه حلوة موووووت
و حاجة تانية بقا تخصص بشاميل برضو .. لما تغسلى المكرونة كده بعد ما تسلقيها تديها رشة قرفة و تدوقى أحلى مكرونة و اللى مش هتدعى لى هاعضها
حد بقا معاه خرطتين مكرونة سلف؟؟ جميييييييييلة … أنا بفكر أحترف بقا بدل شغل الهواة ده و أعملها بنفسى بقا مرة مواضيع هذا القسم برعاية
كتابة و ترجمة كتابة و ترجمة سوبر فتكات Fatakat 591021 القاهرة – مصر