ازيكم ياقمرات
كل سنة وانتو طيبين وبخير وبصحة
ويارب كل اللى نفسها فى حاجة تحققها وربنا يسترها علينا ويطلع مصر من ازمتها ويخليها احسن بلد فى الدنيا
بصوا بقى انا جاتلى فكرة كده قلت لازم تكونوا معايا فيها
طبعا احنا كل شهر معظمنا بيبقى نفسه فى الحمل وبعضنا ربنا بيكرمه وبعضنا مش بيحصل نصيب
انا بقى قلت اعمل موضوع قبل ما الشهر يخلص نبارك لبعض ونصبر بعض وندعى لبعض
يعنى مدونة صغيرجوه المدونة الام
دلوقتى كل واحدة تدخل تقول حصلها ايه الشهر دا:
***لو حامل تقول عشان تفرحنا ونبارك لها
***لو لاقدر الله امنا الغولة جات نصبرها وندعيلها ماتشوف وشها تانى غير بعد9شهور
***لو لسه مستنية فرج ربنا زى حالاتى كده نصبر بعض لحد مايحصل قدر ربنا
يارب الموضوع يعجبكم ولو التجاوب فيه كويس نجدده كل شهر عشان نطمن على بعض ونتابع بعض اول بأول ومافيش مانع كل واحدة تقول حاسة ايه ومتوقعة ايه ولو حملت ايه الاعراض اللى حست بيها
بحبكم فى الله
مليكة ان شاءالله مليكة ان شاءالله فتكات متميزة Fatakat 386774 المنوفية – مصر