السلام عليكم و رحمة الله و بركاته
صباح الخير حبيبات قلبي
يارب تكونو بخير و بصحة يارب
اول حاجة هبدا بالاستفسار معلش
انا من يومين قلت هعمل دجاج فالفرن فالاكياس الحرارية دي المهم يعني جوزي لقيته جايب كياس سندوتشات مش التاني الحراري و حرق دمي و انا كنت متبلة الفرخة و مطلعاها و قلت لازم اعملها
فقلت عادي هحطها في صينية و في الفرن و احط فويل اقفل الصينية و كده عداني العيب
المهم التتبيلة كنت باشرة بصلتين و طماطماية و جزرة و حاطة ملح و فلفل اسود و بسيط كاري و بهارات دجاج و نقطة قرفة و الحاجات دعكت بيها الفرخة و حطيت شوية جواها و في شوية كتار حطيتهم فالصينية نفسها لان طلعو كتير و طبعا دهنت الصينية زبدة او سمنة مش فاكرة اوي و بردو دهنت الفرخة كده وكانت نايمة فالصينية في امان الله عادي
غطيتها بالفويل و كنت عاملة الفرن على العالي و دخلت الصينية و تقريبا كده بعد ربع ساعة شميت خير اللهم اجعله خير ريحة حاجة بتتحرق ببص لقيت الخلطة اللي تبلت بيها اللي فالصينية بقت سودة فحم و لزقت فالصينية مع ان اصلا فيها زيت و سمنة يعني الصينية مش ناشفة طبعا و الفرخة مش استوت ولا حاجة فطلعت المحروق رميته ووطيت النار خالص و سبتها تستوي وكل 5 دقايق اطلع المحروق و اسيبها تستوي المهم فالاخر استوت ومش اتحرقت الحمدلله بس محستش طعم التتبيلة فيها يعني كانها ماسخة كده
فانا مش عارفة باه الحاجات اتحرقت ليه كده!!! عشان النار عالية مع ان انا فرني مفهوش شواية يعني نار من تحت بس ولا ايه الغلط اللي عملته
سؤال تاني معلش بليز
اعمل مسقعة ازاي؟؟؟؟
اللي هي بطاطس و بتنجان و فلفل اخضر مش اللي معاها لحمة مفرومة و مفروض اعمل جنبها ايه؟؟؟
اه و اخر سؤال معلش معلش افتكرته اهو عدلت الموضوع
صلصة المكرونة بتطلع مرة معرفش ليه
مع ان بعملها بنفس الطريقةعملتها 3 مرات اول مرة طلعت مش مرة تاني و تالت مرة طلعت مرة معرفش ليه
انا بحط فالخلاط 3 طماطمات و شوية مية و نص علبة معجون الطماطم ده اللي هو الصلصة و عالنار بحط كام فص توم مدقوق و معلقة سمنة و اول ما يصفر بنزل بعصير الطماطم و بحط ملح و فلفل و مكعب مرقة ماجي و نص العلبة اللي فاضل بتاع الصلصة معرفش باه ايه اللي بيخليها مرة!!! قوليلي ايه الغلط بليز هو انا صراحة حطيتها عالمكرونة و قلبتها و فوقها اللحمة المفرومة و سترت علالمصيبة بس نفسي اعرف بتطلع مرة ليه
افتكرت حاجة كمان معلش معلش معلش معلش اخر سؤال
الرز يا بنات زاللني مش عارفة اعمله خالص
انا بجيب الرز اللي هو صغنن مقلبظ ده الرز المصري
بغسل مثلا كوبايتين رز و بعدين احطهم عالنار مع معلقة سمنة وشوية زيت و اقلبهم 5 دقايق و بعدها احط فوقهم مية مغلية كوبايتين و نص بعد كده اعمل ايه باه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اوطي النار فورا و اغطي و اسيب الرز يستوي ؟؟؟
ولا اسيب النار عالية لما المية كلها تختفي و بعدين اوطي عليه؟؟؟؟؟؟؟؟؟؟؟؟؟؟؟؟؟؟؟؟؟
انا الرز بيبهدلني كل مرة يطلع ملزق في بعض و معجون و كانه مبلول والله جوزي بيعايرني بيه ومش عارفة اعمل ايه
عملت اغلب الاكل حتى مكرونة بالبشاميل اللي كانت راعباني طلعت سهلة الا الرز كل مرة يطلع مريب كده
شكرا حبيباتي ربنا يخليكم مواضيع هذا القسم برعاية
eng.noor eng.noor 578391_1.gif سوبر فتكات Fatakat 578391 kuwait – kuwait