السلام عليكم ورحمة الله و بركاته
ازيكم يا فتوكات يا حلويين عاملين ايه
عايزة اعرفكم على وصفة من المطبخ المغربي شخصيا بحبها جدا جدا و اتمنى تعجبكم
اسمها المدفونة لاننا بندفن لحم الفراخ جوة الشعرية
المقادير
كيلو شعرية رقيقة جدا
نص فرخة
3بصلات كبار
زبيب
قرفة (اعواد و بودرة)
لوز
سكر ناعم
الشعرية لازم تكون رقيقة زي اللي في الصورة اما اللوز بنسلقو و نقشرو و نقليه و نفرمو و نضيف ليه سكر و قرفة
الطريقة
بنحط الشعرية في طبق و ندهنها بالزيت كويس و في حلة الكسكسي بنملا الحلة مية و بنسيبها لغاية المية لما تغلي و البخار يطلع و نحط الشعرية في الحلة الي فيها ثقوب و نحطها فوق البخار
بعد حوالي 20 دقيقة بنشيل حلة الشعرية و نصب عليها ماء ساخن و نسيبها تقطر لما تقطر بنفرغ الشعرية في طبق و نحاول نفكها و نفك بادينا الكلاكيع اللي فيها
و بنرجعها تاني فوق البخار من نص ساعة الى40 دقيقة و بحطها في الطبق و نرشها بمية متكونس ساخنة و نفكها و نسيبه تتشرب المية و نرجعها تستوي تاني
و بنكرر العملية دي 3مرات او لغاية لما الشعرية تستوي
و في اخر مرة بنحط على الشعرية ملح وزبدة و بنفكها
في طنجرة ضغط او ممكن في حلة الكسكسي الي مليناها مية احسن عشان تستوي الشعرية على بخار المرق
نقطع البصل جوانح و فص ثوم مهروس و نضيف عليه نص فرخة و كزبرة و بقدونس مفرومين و ملح وفلفل و زنجبيل بودرة و كركم و ملعقتين كبار سكر و اعواد قرفة و شوية زيت و بنحطهم على نار هادية و نحركهم
بنضيف الزبيب و المية و نقفل الطنجرة ونسيبهم يستوو
لما المرق يستوي بنسخن الشعرية وبنحطها في طبق التقديم
و نحط فوقها الفراخ و المرق
و بنغطيها بالشعرية و بنزينهابخطوط من اللوز و القرفة و السكر و بنحط فوقها البصل و الزبيب
و يقدم و معه المرق في طبق جانبي
و بالهنا و الشفا
و اتمنى يعجبكم
اتمنى اكون عرفت اشرح الطريقة كويس
و ماتنسوش التقييم
يا بنات
مواضيع هذا القسم برعاية
charlotte aux fraise charlotte aux fraise 455315_16.gif برنسيسة فتكات Fatakat 455315 المغرب – المغرب