ازيكو يا حلوين
انا النهارده عملت مخروطه وقلت لازم اوريها لفتوكاتى حبايبى وصورتلكو كل حاجه بالتفصيل
بس عايزاكو تقيمو لانى بجد تعبت فى التصوير
اول حاجه العجينه
عباره عن دقيق وماء وملح كميه الدقيق زى ما تحبى بس خليها جامده شويه مش طريه
اوك ودى بقه العجينه
والعجينه دى بقه مش بتخمر على طول تقرصيها قرص كبيره وبعدين ترصيها كده
وبعدين بقه تبطيها بالنشابه وتخليها قد دى كده
وبتقطعيها كده
وبعدين بقه بتحطيها فى المكنه بس بعد ما تغرقيها دقيق وتلفى المكنه
وعدين بتعملى الكميه كلها وتحطيها بقه تنشف على ملايه نضيفه تحت المروحه علشان تنشف بسرعه
وبعدين تشغلى المكنه من الناحيه المشرشره دى علشان تطلع كده
وبعد كده لما تخلصى كل الكميه بس مش تحطيها على بعضها علشان ما تعجنش
تكونى حاطه البواخ على النار وتحطى راقه مخروطه
ولما تبخر
افتكاستى بقه انك تحطى معلقه سمنه بين كل راقه علشان تطلع مفرفره وحلوه
ولما تحطى كل الكميه بتغطيها بقماشه نضيفه وتسيبيها ساعه على النار متوسطه
وبعد كده بتنزليها وتفوحيها بوش الشوربه والسمنه
وبالهنا والشفا
ودى سفرتى المتواضعه بس بعد االهجوووووم
ههههههههههههههههههههههه
ايه رايكو بقه استاهل تقييم ولا ايه
يلا سلام بقه يا حلوين وابقو جربوها اللى مش حتقيم هاكلها زى المخروطه مواضيع هذا القسم برعاية
ام فارس ام فارس 1639_4.gif فتكات هايلة Fatakat 1639 حلوان – مصريه