النهاردة جايبة لكم طريقتى الخاصة فى عمل المحشى ايا كان نوعة واللى بياكلة عندى بيطلبة تانى من كتر جمالة ماشاء الله طبعا بجهز حاجة المحشى وهى كلنا عارفينها الطماطم والخضرة شيت+بقدونس +نعناع ناشف ومطحون +بصلة متوسطة +مكعب مرقة ماجى +ملح +كمون +فلفل اسود +جوزة الطيب +توم +فلفلاية خضرة+زيت نباتى (زيت ذرة)الطريقة انادايما بحب اعمل المحشى بالهون اللى بتيجى مع اللحمة لانها اخف كتير من اللية واللى فى كتير بيحبوا يستخدموها بس انا بكرة طعمها فبعمل اية؟ بجيب الدهون دى وافرمها فى الكبة وبعدين اسيحها فى حلة فاضية شوية كدة لحد ماتبك ميتها خالص بعد كدة بضيف البصل المقطع قطع صغيرة واشوح لحد مالونة يدبل كدة وبعدين اضيف الزيت واسيبة يتشوح لحد مالونة يبقى مائل للبنى وبعدين اكون مجهزة الطماطم المضروبة وانا بضرب الطماطم بحط معاها فى الخلاط فصين توم واقطع الفلفلاية واحطها كمان تضرب معاهم ومرقة الماجى وبعد مااضربهم كويس اطشهم على البصلة واحط بعد كدة الخضرة المقطعة ناعم جدا ورشة نعناع وملح وبقية التوابل وماتنسيش ربع معلقة سكر وهو دةسر الطهى وبعدين بسيبة يتسبك وبعد ماتسبك كويس اوى بكون محضرة الرز المنقوع والمغسول كويس اوى واصفية واضيفة على التسبيكة وبعد كدة بعمل بقى اية بجيب بصلاية صغيرة كدة واقطعها ناعم اوى وادعكها كويس بفلفل اسود وجوزة الطيب واقلبه جوة الرز ابو التسبيكة بتاعة المحشى واحشى المحشى واحط فى الحلة فى قعرها طماطم مقطعة وبصلة مقطعة وارص المحشى عليها واسقية بالشوربة واسيبة يتسوى هتدوقى محشى عمرك مادوقتى زية وابقى ادعيلى 
https://content.sweetim.com/tbsig/sig.asp?img=ad1
مواضيع هذا القسم برعاية
انين الجراح انين الجراح images/flowersavatars/avatar0014.jpg فتكات رائعة Fatakat 261539 على ارض الواقع – عايشة وسط ولادى