ازيكم يا فتوكات يا عسلات
انا بصارحه بخش كتير هنا وبصراحه بشوف طرق محشى مخترعه فقولت اقولكم الطريقه المثاليه للمحشى يا عساسيل بتاعه ماما وتيته
المهم اقولكم بالتفاصيل
اولا تتسلقى الكرنب عادى بس بالله عليكم ميه السليق يتحط فيها الملح وبس وبلاش توم بقى لان القولون مش ناقص واصلا طعمه من غير ثوم احلى بكتير
وبعدين نقطعه كده
وبعدين يا عساسيل الخالطه وهى تجيبى بصله حلوة كده ومالوظه زيك وتقشريها وتخرطيها مش مهم الدموع
ومش تفرميها وبعدين تحطى عليها حوالى كبايه زيت
وتسبيها لحد ما تصفر وبعدين تحطى عليها الصلصله وبلاش بقى نجيب صلصله من بره عندك ايدين تضربى بيهم الطماطم
وتحطى ما يناسبك من التوابل وهى ( ملح وفلفل وكمون وشطه وبس )
المهم تسبيها لحد ما تتسبك خالص وبعدين تحطى الرز والخضره والخضره تتقطع صغيره جدا جدا عشان شكلها مش يبقى وحش فى المحشى
ودى شكلها
وبعدين تبداى تلفى كده عشان مش يبقى فى رز طالع لبره ومنظر اعوذ بالله محدش يزعل بس بصراحه بتضايق جدا لما بشوف محاشى شكلها وحش المهم ادى الطريقه
وبعدين كده
وبعدين كده
وادى شكل المحشيايه
وادى شكل الحله كلها محدش يبص مش هدى حد حاجه خلاص خلصت
وادى كمان حله كنا لفين 2
وبعدين انا بحط عليها قرن فلفل كده عسول بيخلى الريحه وااااااااااااااو فظيعه
اهى
وادى لما استوت بس هقولكم حاجه الاول اهم حاجه فى المحشى انتى بتسقيه بايه لازم شوربه كويسه وطبعا الشوربه بيبقى فيها البهارات الى بتدى ريحه مش اكتر ومش تضيع طعم المحشى
يعنى الشوربه بيتحط فيها ورق لوررو وحبهان وفلفل وجوزه الطيب يعنى ريحه بس ااكد عليها لانها لو اتحطت ع المحشى فى الخلطه بتضيع كعم الحشو وتاخدى طعم التوابل بس
وادى اما استوى محدش ياخد
اتمنى تكون عجبتكم ومش تنسوا الرد والتقييم والى هتستفيد تقولى مواضيع هذا القسم برعاية
انا مرات ماجد انا مرات ماجد 393672_1.gif فتكات رائعة Fatakat 393672 المنوفيه – مصر