السلام عليكم ورحمة الله وبركاته
ازيكم ياحبايبي ان شاء الله انكم بخير وصحه وعافيه.انا محتاجه لكم حماتي وبناتها ويمكن حمايه واهلي وزوجات اخواني كتير ماشاء الله هيزوروني مش عارفه الوقت بالضبط بس يمكن خلال 10 ايام .
فكرت كم فوكيره وعاوزه تساعدوني كمان هعمل سمك مشوي ورز .هجيب السمك 3كيلو وانظفه واتبله واحطه في الفريزر لغاية يوم العزومه .هل دا صح وممكن يقعد اد ايه مجمد؟
وهعمل صينيه بطاطس بالباشميل .
ممكن اعمل الباشميل الليله اللي قبل العزومه واحطه في التلاجه ؟
وسلطات مشكله وياليت تدوني افكار للسلطات.
وكمان عجنت كيلوا دقيق (عجينة فطاير وبيتزا )وهفردها ميني بيزا واغلفها وافرزنها وهعمل الخلطه بتاعتها قبل العزومه بيوم .وهعمل حلا صينيه كبيرة واحده لأنهم يمكن يجيبوا وهتبقى كتيره .ونسيت اقول لكم في الاول عمتي وبنتها وجدتي هعزمها لأننا عيله واحده ولما ييجوا اهلي ومعزمهمش هيزعلوا .
ربنا يسعدكم فكروا لي كدا وقولولي اعمل ايه .انا بيتي كبير ومفيش حد يساعدني وعاوزه منكم اكلات اعملها وافرزنها قبل ماتكون الزيارة بكام يوم وكمان بذاكر لاولادي وكل الشغل عليه ربنا يوفقكم . مواضيع هذا القسم برعاية
العسل الحلو العسل الحلو فتكات ست الكل Fatakat 170899 الواسطي – بني سويف
سبحان الله و بحمده