السلام عليكم ورحمه الله و بركاته
ازيكم يا فتوكاتي القمرات
بصوا يا قمرات الدكتوره دي انا بحبها جدا و بستفاد منها كتير جددددددددددددددا جدا و جربت منها قبل كده وصفه لحرق الدهون و كانت فعلا جميله بس للاسف مستمريتش
هقولكوا بالظبط ايه اللي هيا بتقوله علشان تستفادو
(1) بتقول بلاش نتخن و نخس ده خطرررررررررررررررررر جدا جدا ليه لانك بكل بساطه لما بتخسي بتفقدي تلات تربع الوزن عضلات و الربع دهون طيب رجعتي تاني في الوزن متخنهمش بقي المرادي زي ما كنتي لا تخنتيهم دهون بس و بكده يبقي احنا زودنا الدهون اكتر ما كانو في الجسم
(2) تيجلها واحده تقولها انا لما خسيت مبقتش اعرف اتحرك و تعبانه قبل الريجيم مكنتش كده ليه بسبب انها فقدت كل عضلاتها و و بقت هزيله جدا دول اللي بيخسوا بسرعه و يعملوا ريجيمات قاسيه
(3) منطقه البطن لو زادت عند المرأه 82 سم ده خطر و لو بقت 102 خطر شديد جدددددددددددددا جددددددددددددا و كبر البطن بيجيب وجع ظهر و ركب و كلوستيرول و ضغط و سكر تخيلو فهيا بتقول منطقه البطن لالالالالالالالازم و لا بد تخسيسها جدا لانها عامل خطر علي الانسان اما اي حته تانيه بنخسسها للجمال فقط اما البطن ضروري للصحه
(4) تيجي بنت تقولها انا خسيت و تخنت و خسيت و تخنت و دلوقتي لما بعمل ريجيم مش بخس خالص حتي لو خسيت اخس كم جرام فهيا بتقولها انتي كده بوظتي جسمك خالص و دمرتيه و خليتي معدل الحرق عندك زيرو فبتنصح بأستخدام بعض الحاجات لتعليه معدل الحرق مره تانيه هقول عليها دلوقتي
بصوا هقول علي نظام انا كونته من كلامها لانها بتقول لما حد بيجيلي بفضل قاعده مستمعه فقط بعد كده اسألها شويه اسأله تخليني اقدر اديها انهي ريجيم بالظبط فهيا بتقول مينفعش واحده طول الليل سهرانه اديها ريجيم غدا و عشا و فطار و بالليل تمنع الاكل كده مش هتمشي علي حاجه خالص فاهمين
فأنا هعمل نظام امشي عليه اللي عاوز يمشي معايا و نشجع بعض ياريت لو محدش عاوز خلاص براحتكو انا همشي و يوم الجمعه اللي بعد الجايه هقول عالنتيجه
النظام
اول ما نصحي نشرب اربع اكواب ماء مع فصين توم و بعد ساعه نفطر عادي
الفطار
بيضتين مسلوقه و 2 خوخه او تفاحه او اي فاكهه
او طبق صغير بليله بلبن خالي الدسم مع 2 معلقه سكر دي بتعلي الحرق جاااااااااامد
الوقت اللي بين الفطار هناخد فيه مشروب يعلي مستوي الحرق عندنا
الغدا
قبليه هناخد كوب ماء بنص لمونه مع خصايه و بعديها 4 ل5 وحدات سوداني او عين الجمل بعديها ناكل اكل البيت عادي بس بكميه قليله لانك طبعا هتكوني شبعتي نص بطن و لو مشبعتيش برده كلي اول ما تحسي بالشبع قومي فورا
بين العشا و الغدا
برده هنشرب مشروب يعلي الحرق
العشا
زبادي مع فاكهه او فاكهه بس
و لالالالالالالالازم نشرب لتر كمان او لتر ونص غير اللي شربناه عالصبح
المشروبات اللي بتعلي الحرق و الاكل اللي بيعلي الحرق
المشروبات
(1) خميره و ندوبها في كوب لبن
(2) قرفه و جنزبيل و قرنفل
(3) الحلبه
(4) الجنسنج
(5) ينسون
(6) كمون باللمون
طبعا ده كله مش في يوم غيري كل فتره مثلا اسبوع و اسبوع او يوم تلاته و يوم تلاته
الاكلات
السمك
الخضار الورقي يعني الخس و السبانخ و هكذا
التونه
السلمون
الفجل خصوصا المنطقه اللي تحت
البطاطس مسلوقه بدون ملح بتخسس الجزء اللي تحت
فيه حاجه اخيره
الشمر نجيبه من العطار و نشرب منه كل يوم كوبايا بيخلي المايه اللي تحت الجلد تنزل اللي هيا السيلوليت يعني او ممكن حد بعد الحمل جسمه يملا مايه
بسسسسسسسسسسسسسس يارب اكون افدتكوا بأي شيء و اللي عاوز يبقي معايا ياريت و نشجع بعض
ادعولي ربنا يتمم زواجي بخيييييييييييييير يارب
samer saad samer saad 144558_3.gif فتكات ست الكل Fatakat 144558 السويس – مصر