السلام عليكم
طريقة للمبتدئات وكمان اللي بيحبوا البفتيك بيقطم مش بيشد دي طريقتي وانا الحمد لله مشهورة بالبفتيك الحلو جدااا اللي بعمله
بتجيبي صينية وتبشري فيها البصل وتتبليه بالملح والفلفل والليمون وتقلبيهم كويس وبعدين يا ستي تحطي عليهم البفتيك وتدعكيه كله بالخلطة بأي طريقة يعني كانك بتعجنيه وبعدين تركني البفتيك علي جنب الصينية وتبدأي تاخدي واحده واحده وتفرديها كويس في قاع الصينية وبعدين تاخدي اللي بعدها وتفرديها جنب الاولي وهكذا لحد ما يكون البفتيك طبقات متراصه فوق وجنب بعضها
تاخدي الصينية وتحطيعا علي نار هادية لحد ما البفتيك يشرب الماء اللي فيه وعلي فكرة اول ما يتغير لونة من الاحمر ممكن تقلبيه بحرص شديد علشان الطبقات اللي في النص تاخد نفس السوا لما يستوي البفتيك سيبيه يبرد خالص وبعدين تنفضيه من البصل وتحطيه في الدقيق الابيض المتبل بالفلفل الاحمر والاسود والكركم والتوم البودرة والبصل البودرة ان وجودوااا او دقيق متبل بالملح والفلفل وخلاص
بعد كدة تحطيه في البيض المخلوط وبعدين دقيق البقسماط وتحمريه في الزيت تحمير سريع زي تحمير الفراخ المسلوقه وده لانه اصلا مستوي
وممكن بعد ما تحطيه في دقيق البقسماط تحفظيه في التلاجة وتطلعي منه علي التحمير وبالف هناااااااااااااااااااااااااااااااا ويا رب يعجبكم مواضيع هذا القسم برعاية
الاميرة نور ام عيسي الاميرة نور ام عيسي فتكات غالية قوي Fatakat 80921 الجيزة – مصر
سبحان الله و بحمده